Ma vie en rose（My Life in Pink）
中譯：粉紅色的一生
年份：1997
導演：Alain Berliner
深信自己會變成女孩的七歲男孩Ludovic，喜愛女孩玩意、活動、衣著，甚至希望和男同學Jerome結婚......
身邊的朋友、鄰居、學校，甚至家人也對他的「性別認同」深痛惡絶；
父母極力嘗試將他改變，軟硬兼施－－嚴厲吿訴他是個男的、責備、帶他去踼足球、多和爸爸相處，又去約見心理専家......
但是一切努力卻付諸流水，Ludo依然堅信自己為女孩。
結果，
受到他人的嘲弄、欺凌，被踼出校、被迫搬遷，及遭到至愛的家人之離棄......
年幼的Ludo，對自己的不同而引起的風波、麻煩只感到不解和痛苦。
只有外婆對他表示支持，說Ludovic喜歡就好。
是他不明白性別不會變嗎？還是他是個男身女心的不幸的人？
very interesting movie that related to psychology.
key words: gender role/ gender identity/ socialisation/ homosexuality/ child psychology
Fallacies@撞倒人
Attack the person:
個人賤，都可以有beautiful arguments的 Appeal to unqualified authority:
想問小兒科，問左婦科
Appeal to people:
人人都話premarital sex唔啱，噓...都唔知幾正
我鐘意呢個阿蛇，因為佢好好笑，又講得明 今天：上午上PTH，其他同學睇住那些拼音音節讀得勁快
我係跟唔到的......真係要多兩錢肉緊講起肉，Mandy你讀個「肉」字真係令我忍唔到笑，唔好意思...中午飯後，去左IS MSN...看電影...撞倒小Yen仔之後又撞倒井子，（井子加油呀！）
I HATE YOU
「年月漫漫,多艱苦你也永遠優先關心我喜惡, 唯恐我並未得到最貼身保護, Oh I hate you ～
yes, its true, I always do...... 」
今天我上完PTH後, 去又一的KFC食午飯, 隔嚟枱的兩個肥仔肥妹突然間唱起呢段歌......
我係當堂笑左出嚟
p.s. 小朋友的直覺真厲害,一早已經察覺到愛的反面就是恨 :p
just kidding...
高考明天放榜
中七大日子!!
『勇敢一點！』
我這數天一直跟自己說。
今日AL放榜了！早上四時多我就醒了，是我太緊張了吧然後攤在床上眼光光，想東想西，始終未有再入夢6:30嘆個早餐，看看電視，07:30出門。
回校途上碰到菁和洛奇，便結伴同行走至校門，見到何+，她竟然問我：「你返來做咩？」我眼都凸，跟住碌埋落地...再起番身...回答道：「今日放榜啊～」佢笑一下，說：「哈！係喎，唔記得咗tim...」笑...
上到五樓，竟然氣喘?!重感冒的殺傷力真大想平時的我，跑幾趟都不累呢入到SAC，原來有好多人己經回來了，我還以為自己好早...人未坐下己收到大堆東西：同學錄、言之集、禮物...
剛坐下，Miss Choy便走過來把成績單交給我佢說我考得都幾好，我聽後個心定了點定神看看成績單---有一個A、兩個B、一個C、一個E。除了UE，其他都比我預期中好我都心足了...
梓同很勁!!!有四個A!!!大家也為她高興!!!我不敢問別人的成績所以不太清楚他人的成績如何...雖然放榜，但晚上都要上班...講到喉嚨很乾很痛。
上面呢篇係我上年高考放榜當日打的日記今年，我係度放緊U暑假... :P不得不嘆一句時光飛逝希望明天所有考生都可以以平常心對之找到自己所想要的我想對你們說的，和我上年跟自己說的一樣：勇敢一點！
世界女排大奬賽－香港站
睇電視直播，中國女排在香港站全勝
得到了今站冠軍
我和我老豆睇到勁激動，因為今場中國對意大利
雙方實力相近，打得緊湊而節奏快速
很多精彩的拉据來回
希望中國女排在奧運能有更好的表現！
p.s. 晚上，我媽媽整左我鐘意的嘢食，哈哈
為烏托邦裝備
上網去，看到一個Blog教人幫個Blog扮靚、加嘢
http://hk.myblog.yahoo.com/iam-pinkpanther呢個係佢日記，如果有興趣，去看看吧。
我加左一個時間、奧運倒數計時器和計人數計，
哈哈...即刻覺得成個日記高科技左...
係咪好得意呢...呵呵
有兩個時代在拉扯
我總覺得人人其實都是身處在兩個時代之間
魚燈籠
在中三時整的
組員係有鈴鈴同funfun?和Macy
信一封
升中學……這是一般個複雜的時候吧？現在才剛小學畢業的你覺得如何呢？
要離開熟悉的人和事，投入到去一個新的環境，面前是一個未知的境況，心中惴惴不安絶對是難免的。親愛的朋友、老師、生活了六年的校園，一切一切是這樣親切而熟悉。和朋友的嬉笑聲、老師們和善的笑容、可以讓我們發揮想像力的操場和雨天操場……你捨不得嗎？你怎可能沒有不捨得？
還有其他人對你的期望，好像說人人都覺得入到底Band1學校或英文中學前路才會有希望，才是入U（大學）的保證。父母的擔心和焦慮在你眼中可能顯得誇張而無需要，但是請別怪他們，因為他們想的只有一件事：如何保護我的孩子？而這件事又生出了我怎樣才可以為我的孩子得到最大的保障呢？現在這一刻，可能就是選一家較好的中學，讓他有一個較好的學習環境……所以他們才會希望在這個荒謬的升中派位制度之中，讓你佔優；得到最好的，就是對我孩子的保障了。
或者你會問，最好？甚麼是最好？是你的最好嗎？是你認為對我好嗎？還是真正我覺得好？等的問題。但再次請你別怪你的父母，因為在他們心中，你依然是一個需要他們呵護的小孩，他們想的是把你收到他們安全的羽翼下，免受一切苦厄。說這些，不是叫你不要想這些問題或是去盲從你的父母；我所提出的，只是希望你能體諒父母的心情而已。另外，現在的你，可能未肯定自己的志願，這也是正常的。因為你還有很多東西也未知道或未確定。
面對這些令人心煩的境遇和問題又應如何自處呢？現在我會跟你分享一下我的經歷，我升中的經歷，希望對你可以有些啟發。如果對哥哥或父母升中的經歷有興趣，不妨也問問他們，我相信他們一定會很樂意和你分享的。
我在小學時的成績不很好，所以英文中學是沒我的份的了。在老師建議下，我填了一家位於將軍澳的中學在第二志願。因為老師說那一家是一間不錯的中學，雖然不是英中，但是校風挺不錯。當然，最終我也進了這家中學。但是在派位當天，我的心情是很差的，原因是這只是我的第二志願，身邊的同學都好像都得到了他們的第一志願……當時的我，坐在偌大的禮堂之中，覺得自己的身影特別的孤單。再一個打擊是和我友好的同學，竟然沒一個和我進同一家中學……失望之情就又再增添幾分了。
在派位當天的下午，我媽帶著我四處去扣門，希望可以在家的附近找到一家不過不失的中心學。起碼不用這麼遠路，每天由黃大仙到將軍澳去這樣奔波（當時可是連地鐵支線也未通的每天上學都要轉車）。但是沒有同區學校願意接收我，所以在兩天後我也就放棄了扣門。
雖說失望但我也抖擻精神準備入新的中學。未開學，例牌要返暑期班，就在這班中，我認識了一位好朋友，非常好的朋友。但是好運沒有繼續來臨我身上，我在分班試中表現大概不很好吧？因為我進的是問題班別，全部也是口多多、寸寸貢（正確來說「寸」的動詞為「揶揄」）的同學（但其實人人也很好玩，就是無心唸書… : p）。告訴你，新情誼是很快會建立的，快得你不會相信。最後，我經過了會考、高考，開開心心、帶著很多美好的回憶及豐富的知識離開了中學，升到大學去，我在中學裏變成了現在的我。回想起升中派位，對我來說已是八年前的事了，感覺變了，失望成了希望、擔心成了期待，孤寂沒有了，有的是新的友誼……小學的點滴依然在我心中，不同的是同學們和我都長大了，看的想的做的都不一樣了，但情誼卻未有變改。
中學的生活絶對是精彩豐富的，不要讓它過得如白開水一樣平淡無味；不要介懷別人的話，自信不是可以由別人打倒的，看過“Tuesday with Morrie”（中譯為《最後十四堂星期二的課》）嗎？Morrie是一個身患絶症的老人，當別人個個也為第一名而歡呼喝采時，他站起來大叫：What's wrong with being number two? 第二有甚麼問題？我認為這句話實在藉得我們深思，為何要每人都爭著第一名呢？為何要這樣強求呢？每天有多少事是我們想做的？又有多少是我們要做、應做的呢？
最後，贈上一句話，也是摘自小說的，這本叫作 "Gone with the wind" （中譯為《亂世佳人》或《飄》），書中有一句：Tomorrow is another day. 明天又是新的一天。是女主角思嘉一生中歷經苦澀後，仍保持著信念，心裏默想著南方家鄉廣大的田地時道出的。人生中有很多很多天，每天都是新的，而前行是唯一的方向。
p.s. 我是聽你說過你喜歡看書我才打這篇野架下…你唔好老點我先好…
呢封信係寫比我的會在今年升中學的表弟的，他對我說他不覺得升中是件高興的事...... 做大的，應該要幫一把的
補習
wanna eat ice cream... :p
雖然我的學業成績不過不失，但是我很少跟人補習
第一次是替表妹補F.5地埋二天咁大把
今日係第二次
去幫表弟（小六）補英文
其實我的英文也不很好
但是基本的東西也可以
順利完成
我已經很滿意了
p.s. 連日下雨，你們和我一樣掛念陽光嗎？
Chris, Mandy, 我們的單車大計何時才可實行？
還有A5的OP plan呀......
中華鱘死左
聽陶傑的光明頂
笑到我碌落地...
有中華兩個字就唔同晒
哈哈...
電影門
http://www.moviesuper.com/big5/default.asp呢個網咁講：
MovieSuper.com 「 電 影 門 」 是 我 們
Intertainment Ltd. 精 心 策 劃 的 全 方 位 電 影 資 訊 及 購 物 網 站 ， 致 力 成 為 香 港 影 迷 獲 取 電 影 娛 樂 資 訊 及 相 關 產 品 的 主 要 門 戶 。
「 電 影 門 」 的 設 立 旨 在 滿 足 使 用 者 對 電 影 的 渴 求 。 網 站 除 了 速 遞 最 新 鮮 的 荷 里 活 消 息 及 電 影 情 報 ， 亦 搜 羅 多 種 優 惠 獨 家 送 上 。 同 時 網 站 本 身 是 一 個 安 全 可 靠 的 電 子 商 貿 平 台 ， 既 有 各 類 及 全 面 的 電 影 副 產 品 如 DVD / VCD 、 玩 具 精 品 、 原 聲 大 碟 、 書 籍 等 可 供 選 購 ， 也 將 會 提 供 方 便 快 捷 的 網 上 訂 票 服 務 。
另 外 ， 我 們 亦 特 意 為 影 迷 建 構 一 互 動 網 上 社 區 ： 使 用 者 只 要 登 記 成 為 「 電 影 門 」 的 會 員 便 可 專 享 特 設 的 優 惠 ， 網 站 還 設 有 論 壇 讓 一 眾 電 影 愛 好 者 交 流 心 得 ， 而 交 易 場 則 提 供 一 個 交 換 及 買 賣 電 影 相 關 產 品 的 集 中 地 。 我 們 並 已 安 排 將 更 多 的 服 務 於 稍 後 陸 續 推 出 。
photo taken by KT
我承認個pose係幾娘下
但係你也得承認我地係笑得幾開心下
蘋 論 ： 香 港 政 治 向 「 集 體 領 導 」 沉 淪
明 天 立 法 會 將 討 論 以 《 立 法 會 （ 權 力 及 特 權 ） 條 例 》 ， 要 求 政 府 提 交 副 局 政 助 聘 任 文 件 。 希 望 這 次 真 正 關 注 香 港 政 治 狀 況 的 議 員 不 要 再 失 機 了 。
上 周 五 立 法 會 在 保 皇 派 反 對 下 ， 泛 民 要 求 將 政 府 聘 政 治 新 貴 的 準 則 送 交 廉 署 審 視 的 提 議 ， 被 否 決 了 。 唐 英 年 在 回 應 會 否 「 代 表 政 府 認 錯 」 時 ， 強 調 副 局 政 助 聘 任 程 序 ， 是 「 集 體 參 與 、 集 體 決 定 ， 高 度 透 明 ， 有 立 法 會 支 持 」 的 。
市 民 、 傳 媒 完 全 不 知 道 聘 任 程 序 和 聘 任 準 則 ， 怎 算 得 「 高 度 透 明 」 ？ 既 「 有 立 法 會 支 持 」 ， 何 以 主 其 事 者 如 陳 德 霖 一 直 拒 絕 出 席 立 法 會 回 應 事 件 ？ 何 以 政 府 和 保 皇 黨 反 對 立 法 會 政 制 事 務 委 員 會 再 開 會 討 論 ？ 真 是 你 不 說 我 倒 明 白 ， 你 越 說 我 越 糊 塗 了 。
至 於 所 謂 「 集 體 參 與 ， 集 體 決 定 」 ， 這 個 「 集 體 」 ， 包 括 多 少 人 ？ 是 由 甚 麼 人 組 成 的 「 集 體 」 ？ 是 外 傳 的 陳 德 霖 、 林 瑞 麟 、 劉 細 良 三 人 嗎 ？ 還 是 再 加 一 個 局 長 ？ 又 或 者 「 集 體 」 包 括 所 有 行 政 會 議 成 員 ？ 是 否 每 一 位 「 集 體 」 中 的 成 員 ， 都 有 份 作 決 定 ？ 為 甚 麼 除 了 林 瑞 麟 這 個 說 了 等 於 沒 說 的 滑 頭 高 官 「 解 畫 」 之 外 ， 不 見 「 集 體 」 中 的 其 他 人 對 事 件 作 說 明 ？
對 於 集 體 參 與 、 集 體 決 定 、 集 體 領 導 這 些 話 ， 筆 者 這 輩 子 聽 得 多 也 見 得 多 了 。 用 「 集 體 領 導 」 這 四 個 字 打 進 Google 搜 尋 ， 會 發 現 所 指 的 都 是 一 黨 專 政 國 家 的 狀 況 ， 大 部 份 講 的 是 中 共 幾 代 的 「 集 體 領 導 」 ， 連 北 韓 金 正 日 也 宣 稱 實 行 「 集 體 領 導 」 。 至 於 一 黨 專 政 之 外 的 民 主 國 家 ， 則 無 一 國 宣 稱 是 「 集 體 領 導 」 的 。 因 此 ， 我 們 對 「 集 體 參 與 、 集 體 決 定 、 集 體 領 導 」 是 怎 麼 回 事 ， 也 就 心 中 有 數 了 。
中 共 自 建 政 以 來 ， 一 直 都 說 是 集 體 領 導 。 即 使 文 革 毛 澤 東 獨 裁 時 期 ， 四 五 天 安 門 事 件 後 罷 免 鄧 小 平 的 決 議 ， 也 聲 稱 是 「 政 治 局 一 致 通 過 」 的 集 體 決 定 。 八 九 民 運 時 ， 五 個 政 治 局 常 委 開 會 討 論 是 否 要 對 學 生 採 取 鎮 壓 行 動 ， 不 屬 於 常 委 的 鄧 小 平 出 席 會 議 ， 由 他 提 出 要 鎮 壓 ， 五 常 委 中 除 了 趙 紫 陽 ， 其 他 持 反 對 意 見 的 常 委 也 只 是 沉 默 而 不 敢 公 然 反 對 。 這 就 是 集 體 決 定 的 程 序 了 。 在 這 次 副 局 政 助 的 聘 任 過 程 中 ， 是 否 也 有 類 似 的 「 集 體 決 定 」 ？
講 集 體 領 導 的 國 家 ， 都 是 缺 乏 公 民 普 選 的 專 權 國 家 。 民 主 國 家 有 普 選 ， 也 就 是 有 民 眾 授 權 的 體 制 ， 因 此 毋 須 集 體 決 定 ， 而 是 獲 授 權 者 就 可 作 決 定 。 每 一 個 獲 授 權 者 ， 他 的 權 力 與 責 任 是 相 聯 繫 的 。
民 主 體 制 的 最 大 行 政 問 題 是 獲 授 權 者 「 推 卸 責 任 」 ， 而 不 是 用 一 個 空 洞 的 「 集 體 」 去 承 擔 責 任 。 美 國 前 總 統 杜 魯 門 的 名 言 是 ： 「 The buck stops here! 」 意 思 是 責 任 止 於 此 ， 也 就 是 絕 不 推 卸 責 任 。 這 是 民 主 政 體 之 下 ， 最 重 要 的 權 利 與 義 務 的 關 係 ： 權 力 越 大 ， 責 任 越 大 ； 到 總 統 這 個 至 高 權 力 時 ， 就 不 容 再 往 上 推 了 。
民 主 政 體 絕 無 集 體 領 導 、 集 體 參 與 、 集 體 決 定 這 回 事 。
港 英 時 代 香 港 也 無 民 主 ， 但 因 為 港 督 是 由 一 個 民 主 國 家 所 委 派 的 ， 因 此 任 何 重 大 決 定 都 由 「 港 督 會 同 行 政 局 」 作 出 。 港 督 是 「 責 任 止 於 此 」 的 最 後 一 人 。 同 樣 沒 有 集 體 領 導 ， 不 會 出 現 由 一 個 空 洞 集 體 負 一 個 空 洞 責 任 這 回 事 。
副 局 政 助 的 聘 任 風 暴 ， 意 味 香 港 政 治 向 「 一 國 一 制 」 看 齊 ， 也 講 集 體 參 與 、 集 體 決 定 了 。 可 惜 上 周 立 法 會 的 泛 民 主 派 輕 輕 放 過 特 區 政 府 這 個 不 負 責 任 的 空 洞 集 體 。
一 個 星 期 後 ， 就 是 回 歸 十 一 周 年 了 。 副 局 政 助 的 聘 任 議 論 必 須 延 續 下 去 ， 以 免 香 港 這 一 制 變 得 漸 行 漸 遠 漸 無 聲 。 香 港 的 政 治 沉 淪 ， 使 筆 者 想 到 一 句 7.1 遊 行 的 口 號 ， 就 是 ： 「 不 要 集 體 領 導 ， 要 普 選 授 權 ！ 」
我覺得無咩需要每個局都有一個副局長和政治助理，因為實際上這樣只會令架構更加複雜，效率唔會高得去邊啦，成本也太貴了。 話政治人才不足，所以要培養。我唔覺得香港唔夠呢D人才，間題係人地明知係小圈子選舉（800人選特首，立法會一半係功能組別，事實係阿爺話既之嘛），實無份上位，咪唔入政治圈囉......好似賽跑咁，知道實輸，因為係造馬的，咪唔參加囉。
政治任命，雖然話係任命啫，但係都唔係任你亂點架...你自己歡喜就得，這豈不是根據自己的personal preference？呢個係有違反法治精神喎！有咩準則去任命先？ 講到話「用人為才」，咁大把金髮藍眼的老外是「才」啦...唔任命佢地？ 知否國藉的意義何在？為何公眾不滿你有雙重國藉或無HK passport？
睇番那群政治新丁的表現：
－面對公眾對他們放棄外國國藉的期望，我們看到的是反應緩慢及和民意不符的行動－對住傳媒的問題要睇貓紙－德霖哥仔唔肯上立會答問題你地知唔知份工係做咩架？請你番嚟係要你去立法會比議員質同埋對傳媒，去擋箭擋子彈喎！唔好反應咁慢，要老闆幫你去擋埋你果份先得架？
另外，死雞撐飯蓋話人地自己自願公佈薪酬數目...咁都唔叫擺人上枱去保持自己面子？
就咁就諗住人地會放口？真係太天真，你家陣係講緊十幾廿萬一個月喎...!呢D係叫做問責咩？有透明度咩？問責係要有人負責喎，家陣玩集體，好摶大霧啫！
大天地－12 angry men－Surprise
今日同阿Grace MSN
吹左陣水，真係幾驚訝佢係一個水瓶座及性格如此理智...
年份：1957
導演：Sidney Lumet
整套戲就係發生在一間悶熱的房間...
十二名陪審員在此間中判決一宗青年殺父案 。
連日來他們在法庭上聽到看到了不少的證據－－
殺人兇器、婦人目擊兇案發生及一句"I'll kill you!"、老翁目睹青年於案發後在梯間跑離案發地點...一切皆指向同一個結論－－該名阿拉伯青年為殺父兇手 。
但是十二人之中，有一個人力排眾議堅信那些所以謂證據是有合理疑點的，投下了Not Guilty...
究竟十一對一的局面最終會變得如何？
關鍵字：Decisions making/judgments/ bias/ logical thinking/ critical thinking/ emotions / 耳聽三分假，眼見未為真
如此消磨大天地，認真不錯...
I love movies
我很高興，我也很高興
Adventure with KT and siuyen
今日我上午在家中温習普通話的notes
因為明天有個quiz...
我的冬瓜未熟啊
下午呢，雖然酷熱天氣警告正生效（最高氣温係攝氏33度）、紫外線指數高達十二（強度屬於極高）......KT和siuyen也跟我去行山、拍照。
嘩！開頭真係熱到爆，個太陽唔同我地客氣呀完全，一路行一路要透大氣、撥扇、飲水仔先唔中暑咋...
難得遇到很多動物：model鳥、一大群山狗、螢光綠毛毛蟲、猴子......
siuyen遇到的是大群蚊子...真係勁多勁多蚊叮佢...肯定過30粒蚊 @@"
真可憐呀
到左望夫石，KT和siuyen兩個拍友勁拍，哈哈...KT係整唔到個心形出嚟架...
（我覺得識拍照的人好叻...因為我對呢方面真係無咩觸覺）
原來有d相機係唔駛用電的，學到新的知識了
離開我的好朋友石落山時個天真係開始黑，好有adventure的感覺啊！
然後我們去了新城市廣場，竟然蕩失左路... :p
城巿人KT和鄉下人siuyen、阿齊都唔識路
幾經辛苦先去到連城廣場士多啤梨食野...坐左好耐下，因為實在太舒服了，呵呵
我今天很高興，因為可以同親愛的朋友仔去反
又很有成功感，克服了炎熱的天氣和山頭
又：記得要打番沿途景點先：黃大仙廟車龍、郭齊家、大嚿石、回歸亭、望夫石、紅梅谷、連城
picture copied from Siuyen's Xanga
我的好朋友石－－望夫石
奇怪的是我地聽到佢識叫...
雄哥
去Kungies的Xanga度睇，
嘩！有自家創的studio和品牌，好勁呀
睇嚟大家要改口叫佢一聲－－
「雄哥！」
;)
未知
爸媽選擇了還$
他們話「還就唔甘心，唔還就驚」
其實我又何嘗唔係咁諗...
那麼下次又還不還呢...
我老豆呢幾日都三點幾四點起身
明顯係擔心...
p.s. 媽媽話有d頭暈，我話梗係啦，呢兩日大出血...佢都重笑得出
真佩服她的豁達
如果想揾免費軟件...File Hippo
有好多分類，例如係Anti-spyware, anti-virus, firewalls
audio and video, CD/ DVD tools, Browsers and Plugins......
好似係如果想揾d unzip 用的就直接打 "zip"
去search，就會有相關的freeware or shareware列出比你download
網址：
http://www.filehippo.com/
三項鐵人
Yeah!
我的三項係：
訓覺、上網、睇電視
夜晚睇《師奶股神》大結局
TVB定律再一次證實－－好人有好報，壞人有惡報
十分多巧合
p.s. 我不贊成「聽故唔好駁故」，
呢個唔係針對創意、虛構情節，
而係針對不合理、不合邏輯的內容。
江山美人
在家看《江山美人》DVD
主演有陳慧琳、黎明和甄子丹
年份：2008
導演：程小東
套戲的廣東話配音非常生硬
點解要配音？
主要原因係而家個主巿場（大陸、台灣、新加坡...）的語言皆為普通話吧...
睇番阿Kelly地個口型都係PTH嚟
內容方面，拍反戰呢
就有好多方法
e.g. 戰爭的可怕：講多d人民如何受難、自然環境被蹂躪、生離死別呀...
戰爭的無用：寃寃相報何時了...仇恨不是解決問題的良方...
江山美人有些少說教feel
例如係Kelly向趙王同佢個仔說出戰事連連的禍害及放佢地一條生路
理智的觀眾會睇到媽媽聲吧
(e.g. 你唔冧左條友，你遲D就大鑊、死得...)
因為無講到底個趙王有無動容呢？佢buy唔buy呢個想法？
短短一幕就交代左Kelly同甄子丹的青梅竹馬情誼...真係簡左少少
而黎明同Kelly的感情直情唔覺有交代到傾心
佢地係情人還是普通朋友？
大膽的是兩個男主角都釘左...
p.s. Kelly同黎明真係唔多啱拍古裝片...
換畫
我變左個Blog skin
係咪好靚呢
呵呵...
p.s. 不過要用unicode睇先唔會變左火星文...
八卦嘢 2
星座知己天蠍座
＊＊刺穿靈魂的眼神＊＊
如果你不先傷害天蠍座的人，他並不如傳說中的可怕．他很誠實，不過他知道在什麼時候該說出謊話，卻也能不心虛，即使有，諒你也察覺不出．他不斷地給與自己考驗及挑戰，用自己的缺點打擊自己，以突破自己的能耐，所以他強大旺盛的精力絕非偶然．
天蠍座的人很愛在後面觀察別人，但他絕不是陰險小人，他光明正大得很．天蠍座的人不會主動招惹別人，就像他不希望有人招惹他一般．
他有時不愛說話，而且保持著神密的感覺，外表也許是冰冷的模樣，但內心卻是熱情得要命．他有著特殊的魅力，尤其是他那會刺穿人靈魂深處的眼神．他是個天生的復仇者，任何傷害過他的人，事，物，通常都沒有好下場．
他很夠朋友，但這僅限於你是他的朋友，如果你背叛了他，那便成了他的敵人．他的思想及行為有時相當極端，他可以做個好人，也可以是個壞人，這完全取決於他．
八卦嘢
Ｏ型 天蠍座
想要以一句話來解釋清楚Ｏ型天蠍座的性格，這是極為困難的。Ｏ型表現在外的氣質是：具有彈性的冷靜態度，而且對時間、地點、場合的反應極靈敏。天蠍座本身就具有下列特性：俗氣、持有堅固的信念、確實保持住自己的領域。這兩種全然不同的性格結合在一個人的身上，於是就時有衝突發生。
所以，雖然同樣是Ｏ型天蠍座的人，因人而異同樣會出現某種程度的差別。就是同一個人，也會依時間、地點的不同，而表現全然不同的個性。
Ｏ型天蠍座的特色，可用其強硬的意志力來做代表。這類型的人，平時很少談自己，和人初見面時，給人軟弱無能的印象。事實上，這種人的個性深沈，並且擁有強硬的意志力。這種強硬的意志力， 恰如磐石般穩固的令人吃驚。
這類型的人另外還有一個特徵，那就是具有豐富的想像力。他們不是積極和人交往的類型，但是當他們找到合適的人，就會徹底信賴對方，並且坦誠地和對方交往。運用他們敏銳的第六感和豐富的想像力，他們就能把握住對方的心思。
由於這類型的人較為深沈的緣故，所以比較沈默，不會說些奉承他人的話。因為這種個性，也許會給人一種難以應付的感覺。對於個性不合的人，也許更會帶給對方冷漠的印象。
然而這類型的人，本來是誠實而且心地善良的人。他們注重信諾，一旦說出口的事無論如何都會恪遵到底；他們對親密交往的人有絕對的信賴。只不過因為很暴露自己的心情，於是就故意隱瞞。因此有將自己關閉在內心世界的傾向。這種人獨佔慾也是相當的強，一旦到手的東西絕不鬆手，因此很容易捲進這種個性所帶來的糾紛中。
期於強烈的意志力，Ｏ型天蠍座的人極容易形成頑固、倔強的性格。他們不會明顯的表露在行為上，但是在內心的自信和自尊是不輸任何人的。對他人的意見和忠告，是不會生氣反駁，但是他們也不會接納那些建議，仍舊是按照自己的信念而行動。
【對您的忠告】若是給人的神秘感太過強烈的話，就連善意的誠實也會遭誤解；這一點要特別注意。
喜愛人物
Winston Churchill
星爺
Mr. Bean
錄個靚音
返City同小敏一齊錄音
哈哈...我地原本真係諗住响靜悄悄的CSC房度錄架...
但係那兒真的太靜局了，又有其他人在
就去借部Notebook
在大學道錄左佢
我們都讀得算唔錯吧...
我覺得...
:)
我不入地獄，誰入地獄
睇RTHK的英文時事節目"The Pulse"
其中一主題為debt collectors的問題
因為現時不論大小型公司、機構皆託收數公司去收數
（正路D就有貸款公司、信用卡公司、大銀行，但而家係普遍到連電話公司幾千蚊都去收...）
有部分受害者更是被盗用資料而遭滋擾達兩年
但警察因為這些是私人錢債事務而不受理
無奈非常...
p.s.你問我怎麼不語，我說因太累
這本非真心意...
我愛我的超人基地
不捨得
但又好像沒有其他方法...
立會通過促立法規管收債
(明報) 06月 19日 星期四 11:10AM
立法會 通過無約束力的議案，要求立法規管收債行為。
但保安局長李少光表示，政府對立法規管有保留，因為存心違法的人不會成立受監管的追債公司，而現時已有多項法律打擊涉刑事的收債行為。
扮振定
嘩嘩嘩!!
真係勁勁勁震撼喎
呢個方案令到我 ：
薑真係越老越辣
我真係扮振定架咋喎...
老豆老媽
真係服左你地......
Never! Never! Never!
Give up...
HOPE
尤其是希望！
我容許自己軟弱，
但不可放下不屈不撓的原則性框架
在黑暗中保持笑容
自嘲、幽默感，是我的優勢
$$$$$$$$$$$$$$$$$$
Money money money
must be funny
in the rich men's world......
不想再見你
長期先生
真的，我不想，很不想再見到你
走吧你，走吧，走吧
不要再回來
太陽系外發現3「超級地球」 地球不再孤單 距地球約90光年 高速公轉最快4日
(明報) 06月 17日 星期二 05:10AM
【明報專訊】瑞士天文學家最近利用超級天文望遠鏡，發現3個「超級地球」及2個擁有小型行星圍繞的「太陽系」。這些發現都似乎證明，每個恆星周圍都有行星環繞運行，外太空或者有許多與地球類似的行星。
瑞士日內瓦天文台天文學家梅爾（Michel Mayor）在法國一個天文會議上公布這項新發現。他與其他天文學家是在智利拉息拉天文台（La Silla Observatory），利用「高精度視向速度行星搜索器」（HARPS）尋找到這些新星體。
三分一似太陽星體會有「超級地球」
梅爾表示，新發現的3顆行星與地球十分相似，距離南天星空的劍魚座（Dorado）及繪架座（Pictor）約42光年（離地球約90光年），均圍繞一個比太陽質量稍小的恆星運行。同時，這3顆行星的質量分別是地球的4.2倍、6.7倍及9.4倍，它們運行速度極快，公轉周期分別僅4日、10日及20日，比地球的約365日快得多。此外，科學家也發現兩顆分別為地球質量7.5倍及22倍的行星。
天文學家至今發現270個「系外行星」（exoplanets），大部分體積都如木星及土星般大，其他小型系外行星卻較難發現。HARPS則能夠通過光譜分析技術，根據行星的輕微運動而間接計算出行星的距離。專家稱，利用這種技術，就可找出質量為地球2至10倍的小型行星。
梅爾說﹕「很明顯，這些星體只是冰山一角。利用HARPS研究分析所有星體後發現，有三分一類似太陽的星體都會有『超級地球』或公轉周期少於50日、類似海王星的行星圍繞運行。」
路透社
煲冬瓜，我好怕
真係講到條脷都勁攰
要食番D補品先得
你估下食豬脷、牛脷以形補形得唔得丫嗱...
何時才可把冬瓜煲熟？
煲冬瓜，禾姣怕...
Wow!
我上午八點幾返學上普通話，十二時半返到家中吔飯
媽媽話哥哥十一點幾已經被阿蛇拉左...
驚奇的是，我一路行返嚟，竟然有預感
心理自動準備左...
對自己老實一點，他不在，我都會有d悶；但另一方面係好辛苦...
Key words:
「一天都光晒」或者「天下太平」
p.s.每次佢比人拉我都唔响度，啱啱遇著剛剛
Reduce Reuse Recycle
如果人渣都可以這樣
就天下太平了
在我的打字鍵盤下發現了
一個透明的小膠袋
入面有白色粉末...
(我受到其他東西的影響，我想收回一些說話
字句
但是我可收不回那些後果
咁大鑊...)
The Platters
我不是因為那些Great Hits而愛上The Platters的
第一次，是聽到"I'm Sorry"...
繼而聽到"Smoke gets in your eyes", "Only you", "The Great Pretender"...
迷醉了
爸爸節
唔好要D老人家出去迫酒樓喇响屋企度嘆下啦
收下禮物、睇下電視，
一家人齊齊整整
咪一樣咁開心
p.s. 我爸爸是一隻羊爸爸
我媽媽是一隻豬媽媽
不幸的，他們有一個老虎兒子和龍女......
: p 唔通真係註定比我地食住（主要係老虎呀喇...）......?
Hea到唔Hea
正所謂：「動極思靜，靜極思動」
成日响屋企睇書、睇電影
想出街行下、郁下
明日會出關的了！
齊魔破關而出，黎民又再受爛gag威脅...
正是：誰是爛gag之王？華山之顛再拼過！
平時無咩logic的阿齊，去讀Critical and Creative Thinking 會唔會死？
欲知後事如何，請看下回分解！
Today:
每天都是Adventure
雖然今日我又碰不到怪獸
或者執到有小精靈的變身鏡盒
都唔會發mo的
夜晚在家中畫左一隻蛋－－
父親節的禮物
晚間睇成龍新警察故事，勁，呢D先係動作片丫嘛，重要有劇情，有演技
75分呀！
午間睇蒙面超人響鬼，諗起：
「唔通蒙住面真係好打D既？」 －－阿銀 (周星馳飾)
《破壞之王》(1994)
問心果句
1. 我覺得自己個blog幾好睇
2. 自己幾識得自我開解和自娛
3. 現時生活係有Ｄ陰影，自己無咩可以做到
4. 也唔知應該點做，正所謂當局者迷
5. 近來看了很多電影及書本，覺得很開心
翻煲
《家有囍事》 (1992)
《97家有囍事》(1997)
笑料依然係勁潮
無定向喪心病狂間歇性全身機能失調症
《南拳北腿孫中山》下集之《醉拳甘迺迪》
閔南話《相逢何必曾相識》......
多謝我寶貴的意見...
因為之前我去左果個GO的Trip
所以今日要返City比下意見
見番L2L的老師Eva，佢好好人的，我都幾鐘意佢...
覺得自己講的意見都幾得...（究竟我係咪太過自我膨脹？）
之後阿Victor都嚟埋一齊講...哈哈
之後去左拉巴，正呀！
依然係好吉，啱晒我
借左"Cognitive Psychology"，係CCT用的...唔知會唔會睇唔晒
因為重有都幾難的"The Second Sex"（郁都未郁過...）
p.s. 吉吉的拉巴真係我的天堂
I'm lovin' it!
丁同學生日快樂
今日係阿丁的生日，
祝你萬事順利、開開心心
做多Ｄ運動身體好
讀書都醒Ｄ呀～
p.s.呢幅相係中四去跑越野時拍的...
年代久遠嗎？哈哈哈...
我有sd個e貓比你贈慶的，唔係兩手吉吉架
hahaha...
如果我搞得掂果27個英文字母
我坐左你個位啦！
如果你有睇過李修賢先生主演的警匪片
對呢句對白，一定唔會陌生
係表現出老差骨對於上司的不滿，令戲劇的予盾更加突出
（忠／奸；上級／下級；能者不能上位...）
今日，和我大佬跟我的對話有異曲同工之妙...
（我大佬－B／我－C）
B:：我要去朗豪酒店度做，因為果度Ｄ女好靚
C：通常做酒店要識英文架喎，你得唔得呀
B：英文？我完全無問題丫！
C：係吓話，26個字母係完全識晒，但係痴埋一齊就有Ｄ難度喇
B：哈哈哈...係喇，你又知既...
考試局可唔可以話比我知，响呢度我用"O嘴"嚟形容我的心境及反應啱唔啱？
吉日
係無咩野做的"吉"...
只係睇左一陣文，諗下野
去左Reading Meeting做討論
之後就返基地了
下次的Reading Meeting係討論
西門寶娃（Simone de Beauvoir）的'第二性'（'The Second Sex'）
女性主義／女權主義（Feminism）
有用的免費軟件
睇雜誌，見到有些幾好的freewares
有好野，梗係放上嚟，大家happy
１. 傳送大量檔案－－filemailfilemail的主介面像一般電郵軟件一樣，輸入內容，之後在Files下按Browse for files，就可以一般次過選擇所有想傳送的檔案，最多可一次過傳送 2 GB。此軟件安全性甚高，因為所傳送的電郵會經加密的伺服器傳送。 （***唔駛註冊就可以用）
網址：
http://www.filemail.com/２. 建立Mind Map－－bubbl.us按Enter就會建立分支，把滑鼠移上去，便會顯示相關的功能操作按鈕，可設定不同樣式；又可把Mind Map容易的儲為圖像檔案。
網址：
http://www.bubbl.us/
千嬅，妳無事丫嘛～
巨 樹 塌 下 險 殺 楊 千 嬅
【 本 報 訊 】 歌 壇 一 姐 楊 千 嬅 險 告 命 喪 車 內 ， 今 晨 一 時 楊 乘 坐 保 母 車 返 回 赤 柱 黃 麻 角 住 所 途 中 ， 在 寓 所 附 近 遭 遇 意 外 ， 保 母 車 被 路 邊 一 棵 倒 塌 大 樹 壓 ， 車 內 楊 千 嬅 幸 告 無 恙 ， 偕 輕 傷 司 機 一 度 被 困 車 內 ， 要 消 防 員 到 場 救 出 ， 楊 獲 救 後 驚 魂 未 定 ， 致 電 回 家 報 平 安 。 現 場 消 息 稱 ， 楊 的 保 母 七 人 車 較 早 前 車 禍 損 毀 待 修 ， 今 晨 偕 司 機 乘 坐 臨 時 租 用 的 七 人 車 ， 準 備 返 回 赤 柱 富 豪 海 灣 住 所 。 當 車 沿 黃 麻 角 道 行 駛 至 一 間 學 校 對 開 一 個 臨 時 交 通 燈 位 停 車 時 ， 突 聽 到 一 聲 如 塌 山 泥 般 巨 響 ， 繼 而 路 邊 一 棵 近 十 五 公 尺 高 大 樹 塌 下 ， 正 正 壓 七 人 車 車 頭 ， 擋 風 玻 璃 應 聲 碎 裂 ， 碎 片 濺 傷 司 機 手 部 ， 坐 在 後 座 的 楊 千 嬅 幸 告 無 恙 ， 與 司 機 被 困 車 內 ， 驚 魂 甫 定 下 致 電 報 警 及 通 知 住 所 管 理 處 派 員 前 來 協 助 。
source: Apple Daily
新的手機
( pic copy from "PhoneDaily")
唔知點解，我六姨早咁多買生日禮物比我...
其實我估計係因為佢知我部手機係舊舊地
又想送Ｄ野比我......
係一部SAMSUNG的SGH-F258手機
係金屬銅色的
阿六姨真係客氣......
之前去食飯，唔知點解大家都有講開手機...
我認真的覺得好得意
因為我部手機係用嚟打出打入，sms...
其他功能都好少用
有人鐘意換得密Ｄ
有人鐘意用耐Ｄ...
freedom of choice~
上網收風，呢部野係音樂手機入門機種...
哈哈...唔知我會唔會用到呢Ｄ野呢...
:] 有人送野真好，因為太貧窮
電影資料庫－－Coollector
Coollector係一個電影資料庫、電影百科全書
（如果係戲迷，梗會啱駛...）
用法：
只要輸入戲名，即刻彈晒Ｄ料出嚟：
導演、演員（加其曾參與的電影、相片）、內容、年份
如果揾到想睇的心水，會幫你揾齊網上賣點、售價
＋：
會自動更新
可以為格價専員
可以自製電影資料庫
－：
不支援中文輸入
下載
檔案大小
14.7 MB
邊個似邊個？
我覺得我兩個friends，同佢地好似......
小敏似林鄭月娥（當奴曾手下的fit馬，現任發展局局長，讀PSA，似佢好呀～曾單拖去皇后碼頭踩場...幾薑）
阿Chris似藤木同學（小丸子個同學，成日比人插卑鄙...）
大家一齊親睹佢地的風采啦
散書
今日媽媽要去六姨屋企，咁我就將我自己唔多睇的書本，大部分也是小說
拎比兩個表弟。
橫豎都睇過勁多次，書架的空位買少見少，對表弟們都有好處......
所以就展開了散書行動
去元朗行街街
（My dear......恆香老婆餅）
今日，小敏帶我和阿Chris去元朗蒲
港鐵轉西鐵再搭一個站輕鐵，會合小敏
之後我地去左千色廣場行左右一個圈，
好多得意又搞笑的商品，想買又唔想亂駛＄
去左食牛腩河加魚皮，好好食
呢間野話如果食到十碗，可以有三千，食到三十碗，可以有三十萬......
呢個時世，人人寧願去炒股吧...
食完野，我地行去元朗公園個百鳥塔度
因為小敏話可以睇晒成個元朗
上到去，好正，涼風習習
把之前行上去的暑熱散晒
睇風景、吹下水
留左半個鐘到
就去左食B仔涼粉
三條友，係啱啱好食得晒一個
再加一碟雞翼尖，真係幾飽
多謝小敏請客
她說一盡地主之誼
真客氣
如果她去到嚟九龍城區，我都要請番先得
買半打老婆餅，之後返歸～
p.s. happy day!!
隔涉都可以係潮語？......
毋忘512
我們可以幫助的，還有很多；
要我們幫助的時候，還有很長；
請不要輕易忘記這場大災禍
九龍城行街街
〔20080608端午有咩好做〕
九龍城街坊你地好！ 我係樂富街坊呀！
一到埗，就去德昌（Kowloon city plaza對面）度吔碗魚旦粉，so good~
行街，勁多衣店...
一間正正常常的話，都可以磨你幾個字
之後去補給－－
去左九龍城街巿對面的義興豆品度吔豆腐花（祕密：一定係熱的豆花先好食的，因為唔會硬，滑啲！）、青椒三寶（青椒、豆腐、矮瓜）、黑豆漿，又抵又好食，正～
p.s. 另一好介紹：澄海老四的滷水鵝，頂瓜瓜～
九龍城係一個好地方！
有街坊feel，多野食，舊舊地、夠親切
女拳霸
五粒星嚟講係２粒半
因為我覺得呢類型的片，重點／賣點係官能的刺激、流麗的打鬥場面
但係佢在前半段拖泥帶水咁交代女主角的身世及異能...
求激的觀眾實會悶親
女主角的演技可以話係認真麻麻
(扮自閉的好例子：我的馬拉松、Rain man...
好多參考...)
後尾的打鬥，又刀又槍，咁重駛打咩...
咁你到抵係賣咩先？
停雨
好野，落左咁多日雨，終於停了
昨晚哥哥返左屋企
佢話會返入去
Where am I?
香港城巿大學
政策與行政學系
分科：
政治與國際事務(Politics and International Affairs)
應用倫理(Applied Ethics)
多謝Ethics的蒲非沙們、導師們，令我成日都諗住果啲可能無答案的問題
走在街上，《人間狗鎮》的一幕幕在我腦中載浮載沉
想著想著，很想嘔...
說真的...
有頭脹脹、反胃、發冷（唔好講笑，我無病...）
我堅信係有Ethics呢樣嘢
（呢個係一個faith，唔係好logical，無咩support無咩argument，但係我信。如果咁同師兄們講，一定插死我...）
而且有啲野係唔可以改變的...
潮語
所謂的潮語，可以係
流行的用語、用詞
（但係其實，所謂的流行、潮，通常都係年青人的角度出發。所以更準確啲嚟講應該係流行於年青人圈子中的用語、用詞）
係7／6／08亞視《時事追擊》的下半集主題
其實諗到arguments會係咁
正：
－自創語言係社團（community）的特點；尤其是處於尋求自我、認同的年青人，這是正常的過程，不用特別impose interferences
－語言係會變化、演化的
－只不過在某些情況下用（e.g. 上網MSN...），非視之為official language
－原因正當－－方便、口語化（夠晒親切啦）
反：
－令語文能力退步（我覺得係指「傅統的」語文），因為很多潮語也是源出自因為忘記或不懂得寫或打而充塞的同音異字；或是一個影像；或口語
－語言係要有共同的理解（例如對於「電腦」這個名詞我們大家會有共同的理解），潮語不能做到，因為那些用語只在少部分人間share the same meanings
any ideas?
WARNING
發現自己的高牆
不很堅固......
－－－－－－－－－－－－－－－－－－－－－－－－－－－－－－
今日夜晚唔想早訓
上網、睇書、睇人地或自己日記都好
我真係亂嚟，勁link駁link咁睇，有D三九唔識七、有D估估下、有D唔多熟
－－－－－－－－－－－－－－－－－－－－－－－－－－－－－－
家門多了一把鎖......
心情有點複雜......
又好像舒了口氣......
很多省略號......
今年第一次工作
係阿Chris介紹我去的，但係佢老點左我同佢兩個fd
早了勁多落，要搭的士去...
工作地點：紅磡大環山公園
職責：在嘉年華中幫手執頭執尾、宣傅、維持秩序
對白：「先生／小姐／太太，而家大環山公園果度搞緊個嘉年華呀，有無興趣帶小朋友去玩下呀，比兩張遊戲卷你丫。」
其他執生...
發現自己派傳單勁有潛質
識左幾個人－－puipui、星儀、阿wing
樂大雨
樂，係因為未駛出去住嘛...
唔知一陣重係未出去返散工
望向窗外，白茫茫
閃電雷音頻頻
睇住出面勁塞車
都係果句：睇就無咩嘢
p.s. 諗起有一次在將官，有個傻人同我去籃球場玩淋雨...
C文生日
A5的小C文，生日快樂呀～
你今年係咪好忙，好多野做呢
要揹posts、搞活動
讀的中6、7課程比之前深了些
要求也不同了
有咩要幫手的，就叫我啦
努力向前～
Reading Meeting
昨夜、今早都睇文：《Seven Threats to Ethics》
準備今日中午的Reading Meeting
看了《Dogville》
港譯：《人間狗鎮》
年份：2003
導演：Lars von Trier
Nasty的人性...看見了...
是我們嗎？
冷氣激凍！！！！！！
大家都僵左，手腳發麻、勁打冷震
CITY果然是個大雪房
討論完電影，去了一家黑77的店
繼續傾篇文，
之後返歸
p.s. 天日阿Chris帶我去做散工
呢個moment
選擇唔做25...
明日，手指會放在信箱
告訴了他，時間係九點
但係不可以衰到咁......
原來我都會咁鬼衰...
:P
我個正在著草的衰大佬昨晚要我幫佢在MSN接收一些歌和相片，因為佢聲稱自己會在今個月番番入去...（其實我心諗：都唔知係咪）但係我已經準備去訓，就叫佢快D...十二點之前我要去訓，點知收到成十二點半都未得，而我都真係勁眼訓（而且非常堅持訓覺要熄電腦）。所以就同佢講話唔收了，因為佢話十二點前會得ge...
我叫佢入落"手指"、叫佢sd去自己email，佢又唔肯
之後佢就勁打電話番屋企，我都掛掉...
今日又打嚟叫我收，睬佢都傻。
明明有alternatives，
自己做到的又老點我做...唔掂喎...
所以我又唔肯幫，佢好大聲咁話：咁你即係唔幫我啫！
火都嚟...我就cut佢線，電話線都拔掉...
做咩本小姐要受你威脅先？
無論係感情上還係物理上的傷害及威脅...
我係唔受的
平時我係無咩所謂，但係咁樣我心腸可以好硬
飛躍進步奬＠義工
（上面係我和小敏一起設計的便條貼，都幾得）
今日放GPA，得到阿Joe昨晚報料，知道AIMS會在今朝9：00放。搞到我勁心急……因為大佬…我的奬學金要CGPA過三先會renew…Sem A本小姐得果3.00，邊到我唔比心機呀……
所以今個Sem，和我的fd約定要一齊努力，不可hea
鐘靜、Saman、小丸、小敏（my dear study buddy）……我地GO trip的人都約左話圖書館見的…
關係到自己的錢途和努力成果，所以勁想知個結果。9：00我就飆上去AIMS度睇了。我會比自己飛躍進步奬……3.66，拉埋係3.36
可以保得住！！實在太好了～
之後10：00和小敏返左CITY做義工，幫苗圃行動籌款重建在四川受地震損毁的學校。我地去入數、之後design義賣的便條貼、坐counter播片（其實係吹水多…）、去洗樓叫人捐＄……直到差唔多18：00先散水。
p.s. 其實最開心係Movies and Psychology有A+因為我自己都好鐘意自己篇Term paper 係用《Sybil》+Multiple Personality Disorder (MPD)寫的
夏學期
又比我玩到Double Meaning......10／6－26／7 Critical and Creative Thinking15／6－26／7 PTH Foundation7／7－25／7 UEng: Social English
Such A Gorgeous Kid Like Me
年份：1972
導演：François Truffaut 杜魯福
港譯：像我這樣美麗的女子
Wow......70年代都已經好大膽......女主角夠野，男主角夠戇
其實好好笑，非常狂想、新浪潮式
講一個外表美麗的女罪犯比絲太太於在囚其間，社會學家史丹尼以她作採訪對象，以搜集資料寫作有關女性犯罪的論文。此女人，在農村長大，在九歲時已殺死了父親；長大後先後謀殺了丈夫和其他情人。
這個社會學家漸被這女人吸引，不知不覺間墮入陷阱......
Sybil
年份：1976
導演：Daniel Petrie
「我一向也如此，我以為別人也是如此的。會無端身處在一個陌生的地方、穿著未見過的衣服......有一次我醒來，忽然長大了兩歲......」
患有多重人格障礙的女孩Sybil
擁有十三個人格
源自悲慘的童年－－遭受母親的變態虐待多年
而父親的冷漠和忽略令她未能脫離虐待
逼得她要想像那些痛苦是發生在別人身上的
最後，分裂出十三個人格
她家庭保守的宗教信仰對心理治療不認同......
和鄰居Richard的關係日漸親密......
令她病發得更頻密、更嚴重
把她推向自殺的邊緣
幸而心理分析師Dr. Wilbur的出現
令這個絶望的女孩有了康服的希望
令人著迷的Multiple Personality Disorder啊
改篇自Flora Rheta Schreiber的作品“Sybil : the true story of a woman possessed by sixteen separate personalities ”；
台灣版譯作《變身女郎－－西碧兒和她的十六個人格》
因為這套電視電影，你一定會愛上Sally Field
數你
同學
＞PSA或其他
＞Yr 1 2 3
＞上咩科識？OOD？ELC？CORE？......
＞同Tutorials?
＞活動？學會？O camp?Mentoring Scheme? 住Hall?
＞吹水？
Reg day－＞Apple、Chris、Icy
Induction camp－＞
Johnny、Victor、阿Woon、Bonnie、阿菁、璇璇、Vivian、Minnie......其他唔記得
Ocamp－＞
九把刀：阿Ray、阿Ling、Fran、Fan、消防員、Jess、Jenny、SCK、阿Woon、巴士、Windy
其他人：同我鼠落去打康樂棋的人、Chloe
A +++－＞
去澳洲豬仔白老鼠團－＞
鐘靜、Koko、小丸、Fred、Samantha、Chris、Jade、Toni、Emma、Bill、Jojo、Tim、CY、Jim、CTL男（Jack，大食Jack）、女仔長頭髪單眼皮面紅紅（記得啦～佢叫阿sa, Vennesa），記到咁多個英文名已經好架勢
Sem A Tutorials－＞
2201：Chris、啫哩、Ken、力高娜、Lavie、Peter、小敏、王杰、Grace
2307：Ron、Albert、Huen、Ernest
2105：魚、同阿Chris一組的男仔
2104：阿文
Learning to die：Angela、Tung、Cora、Serena、Silver、Tommy......
Sem B Tutorials－＞
2603：Joe、Dorothy、Kennith、Water、Fanny、Kiki、Sophie、E拎及其組員X2
2402：Dodo、Kristy、王X恩、Delphine、Doreen
2702：阿花、KaHo、Kiki、聲沉男（後尾記得佢叫Issac）、化妝女、Sue
2107：時常早到男
2611：無咩新的同學識到
SAGE camp－＞菲力斯、Keith、靚女、五毫子、卡數 、士多啤梨
Mentoring Scheme－＞Lucy、Candy、阿茶、Tony、阿餅
家欣、Cyrus、肥達
住Hall－＞Zhenzhen、Ashley、龍少、Doris、靚叔、靚姐、鬍鬚佬......
結果：
老細，埋單總數105個呀
識左D咩人
在Year 1這一年在CITY識了咩人，我想試下記唔記得晒我係一個無咩記性的人，要數晒要有D系統......我嚟啦！類別：同學＞PSA或其他
＞Yr 1 2 3
＞上咩科識？OOD？ELC？CORE？......
＞同Tutorials?
＞活動？學會？O camp?Mentoring Scheme? 住Hall?
＞吹水？
老師＞Lecturers
＞Tutors
＞活動
＞知佢係咩水，但無咩接觸
職員＞General office?
＞又一城office?
＞HALL的靚姐靚叔
結果：
哇......我個腦有好多個名同個樣呀
好多個人個樣呀
好多個人樣呀
唔知有無漏到
諗你個頭
鐵筆唔得、槍唔得、大炮唔得、坦克唔得......
差唔多無咩可以－－
撬開我把口
保持緘默的權利
把持在我的手中
和別人很不同啊
這個我
怎麼辦？
還是保持這個我好
我怕自己會迷失
地圖王出了2008
也救不了我啦
世界這樣大
GOOGLE MAP也幫不了我啦
人心這樣難測
自己這樣飄忽
自己在BLOG中和自己談話
好像在一個版面不同的MSN跟人談天
又似一個人在下棋
像自己和自己猜包揼
自己分享自己的秘密
p.s. 其實也會有驚喜
《對倫理的七個威脅》
Summer Term
我成功地add了普通話基礎課程和UEng: Social English
另外遞表申請了Critical and Creative Thinking，未知結果
今日和小敏返了CITY遞表，然後去了食個靚飯
小敏話我們和BU是鄰居，應該要去吓
所以我們便冒著不小的雨，行了去BU，但係我地都唔知邊座打邊座......
行了一陣，入左拉巴Building，坐了一會便行去樂富MTR，大家散水
飛人閃現 兼職百米 跑出驚人世績 (明報) 06月 02日 星期一 05:10AM
【明報專訊】8個月前，牙買加「飛人」
鮑威爾 以9.74秒的驚世成績，打破保持了8年的男子100米跑世界紀錄；豈料在周六的
紐約 田徑大獎賽，鮑威爾的同胞「師弟」保特竟能寫下9.72秒的新世績，一鳴驚人成為「新飛人」。鮑威爾、最擅長200米的保特，還有女將甘寶布朗，勢於今夏
北京 奧運 在「鳥巢」捲起牙買加旋風。
雖然百米決賽前下雨，但濕滑場地沒有妨礙保特發揮。這名牙買加小將甫起步便以勁強的爆發力彈出，隨即一放絕塵奪金，壓倒「僅跑出」9.85秒的世界賽100和200米金牌得主基爾，還把世績推前0.02秒。難得的是保特由於身高達1.96米，以往被評為不適合100米跑，因此專注200和400米，去年大阪世界賽便獲200米銀牌，今次紐約賽參加100米其實只屬備戰京奧200米的一部分。不過他今年較多角逐100米，飛人潛質立即顯現，上月先後在牙買加田徑賽跑出9.76秒的當時歷來世界第2快時間，以及於千里達錦標賽以9.92秒勝出。
改口風願戰京奧百米
本來沒有計劃征戰京奧100米的保特之前還是採取保留態度，表示留待教練決定比賽項目，惟在無心插柳成為新飛人後已變得堅決，「改口風」誓言再創佳績﹕「如果創下世界紀錄，卻在奧運空手而回，那麼這個紀錄根本毫無意義。對我而言，奧運金牌才是最重要的目標。」識英雄重英雄的
美國 短跑天王基爾則盛讚保特道﹕「保特所締造的時間實在非常了不起，這一夜的焦點毫無疑問絕對屬於他。然而經此一役，我也會更努力改進自己。」連同經驗豐富的鮑威爾，這3人在京奧百米的龍爭虎鬥，必是今夏全球焦點。
至於紐約大獎賽的女子100米賽事，上屆奧運200米冠軍和100米銅牌得主的牙買加女將甘寶布朗，跑出10.91秒摘金，寫下今年這項目最快時間，遠勝她去年世界賽險勝美國羅蓮威廉絲封后的11.01秒成績，亦稍快於白
俄羅斯 跑手妮絲迪蓮歌的雅典奧運奪金時間10.93秒。
突破～～
信甚麼？
我看見了親愛的Hikki的blog有個測字就去了反......打自己個名入一個空格，按個button，便行了。多方便啊～
親愛的自己，你是一個謊話連篇的人嗎？
of course~我常覺得自己是天底下最口不對心的一個了
「噓」好似是日文漢字中謊話連連的意思
不要緊，我還有一些「愛」和「食」
不會成了個大騙子或是個人渣的
六一兒童節
今日是中國的兒童節
現實是
很多很多兒童也沒有他們應享有的
祝福他們......
對自己的國民身份認同感因為大地震而強了？
是
在災後會不會維持？
會吧
自主是甚麼？自由是甚麼？
自由的限制應怎去劃定？
梁啟超《飲冰室全集》：
「人之奴隸我，不足畏也，而莫痛於自奴隸於人；自奴隸於人，猶不足畏也，而莫慘於我奴隸於我。莊子曰：『哀莫大於心死，而身死次之。』吾亦曰：辱莫大於心奴，而身奴斯為末矣。」
當人身陷囹圄時，思想依然可以任意放飛
才是真正的自由吧......
搞氣氛
要POSITIVE一點呀如果唔係就會DEPRESS啦唔該唔好沉在那種藍色的情感裏呀自己搞下氣氛啦STEPS：1. 把右手或左手或雙手提起至平肩，握拳2. 順時針方向搞動3. 逆時針方向搞動4. 搞動時可以配合膝頭和腰枝上下左右移動
5. 重複以上動作5－6次結果：個氣氛真係會好左因為連自己都覺得自己好笑......
Never Give Up
我媽曾經說過：「我自己問過自己為甚麼我的路會這麼難行？」邊說邊哭。那一次，是在一個教導中心的茶會中。我跟了她去，也不記得是哪一所了 。 記得的卻是她這句話，和她咽哽的聲音。
我們去過了不少地方：西貢、大嶼山、荃灣、柴灣、荔景、Phonenix house......真的不少了......山長水遠，為了聚頭半個小時。其實很多時見了面也不知說甚麼好，只是想見見面。信件，我寫的多，他回的少，因為他寫字會很辛苦，他說會手震和不會寫。他有很多年也是在那些地方渡過，造就出他和我們十分不同的思想、生活習慣...
父親也很辛苦吧...記得有一次母親不在家中，只有父親跟我留在家，父親照例喝了幾鑵啤酒，臉紅起來，話也變得多了。他說要跟我說件事。
他說：「一次，我有一個好朋友要走了，要移民到別處去了。那我想，日後大家見面的機會再不多了，所以我就和他談了好久。談了從前大家如何如何......很多的事回憶起來了。你知道，我很少可會跟別人談起我的兒子，但是那天我和他談起了。說了阿平的情況後，他竟然望著我說，你怎麼教仔的？我當時多麼後悔跟他說起這些......」
父親說到這裏就停下來，呷了一啖酒，沒有再說話。我知道他的內心一定是很傷心很冤枉吧
雖然父母的知識水平不高，有時也會有所謂的代溝吧。
但是其實自己很多事也做得不很好，態度不佳，不懂得自省、自以為是、口沒遮攔 。我很想令他們好過一點，不好令他們傷心
時候不早了，不要太晚睡才好。
今天完結，明天要來了
我要做好自己......
才下眉頭
卻上心頭......
有很多問題，不是金錢可以解決
用錢解決，只不過是一種痛苦的拖延
問題真的解決了嗎？我也不肯定
但是，如果有錢的話我也不介意作這樣的拖延
父親希望把對我們家的傷害減至最低
我其實知道他的心裏是最痛的一個
他對我說過：
「你覺得哀莫大於心死，還是哀莫大於心不死比較悲哀？」
我對他說：
「我覺得心不死比較悲哀。」
我想，他應該是不死心的哪一個吧？
