MR MOK@冰雪冷氣
今朝在黃地等車時, 有個類似電車男的男人突然, 係突然喎! 真係令我嚇一驚! 他從後挨近, 說:「小姐, 可唔可以借五蚊俾我?」說話聲調低沉, 加上臉上的肅殺之氣, 無神的眼珠...真係驚到我丫...我望望他, 說:「先生, 唔得呀。」(use his tone and facial expression)他有點失望, 說:「哦...唔得...」
Then我返到將軍基地, 我的小隊只有我一個歸了隊。
晨早點名時, 「平易近人」(她在騙誰...)的miss choy好嬲咁鬧我地, 勁好笑...鬧到打哂鐘。
成日個冷氣都吹往我個頭(怎敵他, 晚來風急), 凍到認不出母親大人...
到了HIST堂, 真係頂唔順(就算穿上了毛衣...)就調左位。
lunch time, 好多人帶了糭, 加入交換計劃。一邊落雨一邊o也。(梧桐更兼細雨, 到黃昏點點滴滴)
之後UE, mr mok成日提住自己要stop, 同數重有幾多日。其實是我好唔想他走住, 亦唔想paton仔代他...他真係個好老師, 雖然smelly及arrogant左d...真係有心果渣...
打叮之後即走, 好個逃兵。
生日與生果
香蕉：熱情 / 支配慾 / 妒忌心重屬於香蕉的你，天生冷熱無常，被人感覺難以觸摸，對自己和別人期望很高，每每希望可以做到最好，尤其對平凡的事務就更加無法忍受，喜歡新奇又具有價值感的事情和物件。對於愛情充滿憧憬，在你內心最不喜歡試圖綁住對方，因為你總相信童話般的戀情最能令人心動，希望身邊能擁有一個白馬王子或白雪公主，然後甜甜蜜蜜天長地久地愛下去；表面上，個性極為堅強，但內在的好奇心卻令你表現出好強的作風，許多事都渴望做話事人，做領導者的角色才能讓你真正相信自己的實力，與伴侶之間的關係亦一樣，不管是男是女，都希望可以有能力保護及照顧對方。
與香蕉拍拖秘訣：要與香蕉天長地久地愛下去，最重要是少去阿諛奉承，與香蕉相處，必須先透露出自己的真材實料，千萬別太得意而露出自己極想追求對方的心，這樣只會令香蕉感到驚訝而逃之夭夭。
http://wylai.mine.nu/star/birthdate-fruit.html
社際籃球比賽賽後感
綠社社長
社際籃球比賽已於五月二十五日完滿結束, 我社球員表現出色,奪得全場總冠軍, 實在使身為社長的我高興, 願全部球員能分享到我的喜悅及勝利的甜美。
比賽的過程是艱苦的, 在潮濕而酷熱的五月中, 球員要忍受著火熱高溫比賽, 加上各社的實力平均, 要贏出, 是十分困難的。
我認為我社勝出, 最大的因素是發揮出團隊精神。例如我社的中五同學雖然剛考完會考, 但仍甘願放棄休息放鬆的機會, 回校助綠社一臂之力, 這份心意是令人感動的, 亦令綠色軍團的實力大增。而且我社球員明白到比賽不是個人表演, 故不會「獨食」, 令隊伍變得更團結, 可說是五為一體。就如我所說的人的力量, 一加一絕對是大於二的!
而且, 我社的球員擁有堅忍的精神, 也是致勝因素。早於三月頭, 我們便開始練習, 每位球員也要提升自己的技術和體能, 以及與隊友的默契。球員要犧牲自己在閑暇的時間, 進行刻苦的練習, 但從沒半句怨言。在比賽中, 碰撞是難免的, 我社有約三名球員受傷, 但他們沒有放棄, 只默默把傷養好, 並在下場再戰。
比賽的意義在於互相切磋, 提升實力。 我社能遇強愈強, 擷取得勝利桂冠固然可喜, 但更值得欣賞的是參賽球員的體育精神, 以永不放棄的心打出了一場場公平而精彩的比賽!
不愛用電話
我不愛傾電話。
因為我不懂透過聽筒和人溝通。
我一定要看到對方的面, 他的表情, 才反應得到。
所以如你和我不熟稔, 和我講電話時, 你會好無癮。
我有時會好怪, 不作聲, 不用怕, 繼續說就行。
我也不懂作結, 說到無話可講, 請快快跟我客套一番:
唔...咁冇野喇, 係咁啦! 聽日見, 拜拜!
我先會應: bye!
我學前者的話, 會好嘔。
感覺如和不太熟的人出外, 到別時, 語凝噎, 只會虛偽的問:
你行邊面?
我行呢面。
唔我行果面(相反方向...恨不得盡快走開, 遠離他)
今日:
早上睇書和電視, 之後下午和三, 六姨飲茶。回家後打社籃感想, 直到家陣。
及時趕到
今日其實都好忙下, 社有傑運、足球、Econ;
功課有HIST DBQ; personal有畫早日康復卡給潘太。
晨早4:10起床, 本為做功課, 但想起未畫卡就畫左先。
起左稿才開始做HIST, 但係做得兩條, 就要執檔...my papa已起...
回校後, 你說很累, 不想畫, 我很狼狽,
你總這樣狠...我也累呢。
不要計了, 不能計。我有時也很衰, right?說話不懂收口, 欠分寸...
I' m sorry for interrupting u...
文學堂有蛋糕o也,
miss柯堂令人無精打彩。
PE堂, 我d分低硬, 大鑊!我唯有豪一點!
放學之後勁做DBQ, 5:40先趕起, 好彩miss lai等埋...
我發現真係肯就得, 專心d的話我都可以好快做完。
想念你....不找你
有時候，你很想念一個人，但你不會打電話給他。
打電話給他，不知道說甚麼好，還是不打比較好。
想念一個人，不一定要聽到他的聲音。
聽到了他的聲音，也許就是另一回事。
想像中的一切，往往比現實稍微美好一點。
想念中的那個人，也比現實稍微溫暖一點。
思念好像是很遙遠的一回事，有時卻偏偏比現實親近一點。
---小嫻姐
勁!
RELAXING
今日, 我晨早8:30起床, 飲啖茶, 0也個包以後就出了九龍中央圖書館,
找《中國文學發展史》(for文學)。
過程複雜, 找不到上卷和中卷, 找人help,
在6樓被人點去2樓, 之後又被點去12樓, 再叫我落番2樓......
好彩最後都找到!
可以慳番d$, 不用買。
之後去了o也好好味的海南雞飯, 真係好正爆!!!
逛了一陣就go home study。
唔...星期六, 放輕鬆...
好好休息一下吧!
fd底, 我有話要告訴你!
傷感、恐懼。
因為我怕世界上不同的差距把我們隔開,
時間、空間。
當我們間的距離越遠, 甚或是隔了幾個時區,
想的會否再一致?
等待的會否只剩我一人?
等待在某刻, 我們的思路再次回到從前,
憶起某些共擁的往事。
我很掛念你們, macy仔、丁同學、祺祺......
到底患得患失的青蔥歲月何時走完?
而在路上, 為什麼再碰不到你?
很想你回應我說:
fd底, don't be silly! 等待的何只你一個?我們總會重聚的!
LAZY BONE!!
喂! 喂! 作死你呀? 未做功課, 響度打埋D無聊野...正一懶骨頭!
um...咁都被你昅到?!好野!即去做家課!
今日打風, 個風係個冇料到的「咸濕颱風」---常吹起別人的裙子...
睇個勢, 明天一定要上學了!
but, lazy bone like going to school very much!!
Silent Hill
Last night, 我、c文、溫總、北京、o鴻、茂佳, 去左TKO cinema看《鬼魅山房》。
套戲簡直係廢爆...d劇情極不合理, 我&c文一邊睇, 一邊笑, 一點也不恐怖...
只可算核突...真無癮!
睇完又要趕尾班車回LF...
點知LF小巴又收工, 廢事乘Taxi, 便行三個字返基地...
路上寂靜, 只有街童, 及小喵三隻...不過我一d都冇驚驚,
可見套戲的失敗, 對我一dddd影響都無...
我print, 我print, 我print print print!
Today, 我去買了部靚靚printer, so happy!
不怪乎人說shopping會令女孩開心...It' s true!
部printer可以print, scan & copy的, 勁爆好玩!!
返基地時, 連車都唔塔, 跛跛下咁抱住它行。因為我總覺得自己行得快過部小巴......ridiculous? but, I do think so!
抵達基地時, 即刻試下反, 正到爆!好好玩...
之後, 我唔肯定明天用不用上學, 所以不斷打電話問人, 點知個個都找不到......
心慌慌, 奇案! 真係奇案!
究竟明天用不用上課??????
um...奇過《香港奇案實錄》!
終於, c文打來問我打波的stuff, 謎底才能解開!
明天___不是讀書天!
Yeah! Yeah!
半月灣Bbq
Today, 我、c文、茂佳、YK、阿盈、楊, 溫總、Dollar同狒狒dede一齊去左半月灣BBQ。
好熱, 未去到已經出唒汗...真辛苦我呢d傷殘ge老人家。
去到之後, 發現成個beach都鋪滿人...多人到好似中地理論d密鋪6角形...
好彩燒烤的人不多, 都有位, 否則就大0樂...
B到o甘上下, 踢對拖就去沙灘玩耍。
點知搞到成身濕哂. 頂!要去班(buy)褲來穿, waste我30蚊!
不過都ok好玩, 玩了下扭扭下水舞, 堆不文沙堆...
回程時, 大家一起坐在船頭, 十分好feel。
然後在SK散, 乖2程巴士返回郭家基地。
家陣睇緊電視(末來戰士3, 好睇, 不過d動作場面真麻麻...), bye~
綠色生態農業桂林考察團感想
14-18/4
象鼻山的神形俱似、灕江風景的壯闊雄偉、瑤族歌舞的原始優美......一切一切, 都是我在旅程後得到的精彩的回憶。但是在這次旅程中令我最感動、最深刻的, 還是得到團友, 尤其是我組員們(第三組)的友誼。
還記得在出發當日, 大家都是初相識, 感覺是頗陌生、拘謹的, 甚至因缺乏共同話題而夾雜著一絲尷尬。
直至上到火車, 自我介紹環節後, 大家感到沉悶, 便開始玩紙牌遊戲。此時, 僵局才被打破, 可能我們始終是青年人, 有著貪玩、愛胡鬧的童心吧? 遊戲之中, 玩到緊張處, 連一些較內向、寡言的組員也放開懷抱, 一起起哄、接受大懲罰......就這樣, 組員們對互相的認識加深不少, 彼此間的好感也大增, 更形成一種對組別的團結力量。
在旅程中, 大家更是互相照顧。可能我們真的乖乖的聽從導遊哥哥所講, 「出門在外, 最重要的是安全」。在途中, 組長(施文)總會謹慎的數人數和提醒我們要緊貼大隊。怎料到, 在我們去旅覽桂林市的夜景時, 發現少了一個組員, 正是攝影發燒友,YK同學。我們撥了多次電話給他, 也不能接通。全組在河邊等了許久, 直至最後一組也達到景點, 也未見其蹤影, 更是擔心......
雖然我們面對優美的景色, 甚麼金、銀雙塔, 甚麼石雕, 也無心觀賞, 只想盡快「一家團聚」。最終, YK也完整無缺的出現在我們眼前, 還嘻嘻笑的告訴我們, 他拍了許多很美的照片。枉我們剛才還擔心得如熱鍋上的螞蟻! 全組人就撲上去, 狠狠的呵癢他, 教訓一下他的輕挑和不負責任。
而且, 我組在旅程中也發揮出團隊精神和合作精神。像在恭城紅岩村的晚會中, 每組也要表演, 我組決定表演山歌。歌曲是大家耳熟能詳的《劉三姐》; 歌詞則由我這個組中唯一的文科生負責。我新編的歌詞是這樣的:
(音ei-ah)桂林山水風景美耶, 唏啦哩唷! 景在城中, 城在景中, 唏啦哩唷! 桂林名字由來何處, 婆娑樹影, 桂樹成林。
(音ei-ah)甚麼山上有鼻子耶? 唏啦哩唷! 哪條江水九馬奔螣? 唏啦哩唷! 甚麼地方水秀山明, 讓人看得徘徊踟躕?
(音ei-ah)桂林象鼻山有鼻子耶, 唏啦哩唷! 灕江抱擁九馬山頭, 唏啦哩唷! 桂林風景水秀山明, 不怪乎人說甲天下呢!
全組人唱第一段, 男孩子唱第二段, 女孩子唱第三段。當大伙兒看著恭城文團表演的二場水準超高的歌舞表演時, 手心直冒汗。因為覺得我們的表演太隨便, 害怕會遭人取笑, 在台上「獻世」。但最後我們相信自己的熱誠定能打動觀眾, 鼓起勇氣, 做好我們的表演, 盡力的唱。不料觀眾對我們的表演頗受落, 掌聲也不少, 實在是我們的意外驚喜。 至回程時, 看到離桂林愈來愈遠時, 口中哼的也是這首歌。
或許有人會認為, 這些情感的回憶是很虛無的, 亦不大適合作為感想的主題(或許沒有)。但對於我, 這些情是實在的、令我溫暖的, 亦已深深偽烙在我的腦海中。就像一個知心友, 伴我一生。
<朱古力戀事多>Part4
<第四幕>
地點 : hall
人物 : 麥提沙、瑞士蓮、瑞 friends X 3 道具 : 琴(樂器) 、朱古力(盒)
旁白 : 瑞士蓮走了上Hall , 她的朋友跟上去 , 睇下佢有咩事 。
friend 4 :喂 , 你有冇事呀?
Friend 5 : 係唔係太冧 , 太感動呀?
Friend 6 : 實係啦 ! 麥提沙唱哂情歌咁 , 羡慕死人啦 !
瑞 : 唉 , 我真係唔知點做呀…….. 我真係蠢呀…….
Friend 4 : 咁你係唔係鐘意佢呀 ?
瑞 : 唔 。(點頭)
friend X 3 : 咁咪得囉!
瑞: 但係依家點算好喎 , 我走……走左上黎 , 佢都唔知我點……… 我真係呢...
(瑞幽幽嘆口氣:「唉」, 然後開始唱When I need You………)(麥追到 , 向friend X 3 示意他們走開 , 並向他們做道謝手勢)(麥同瑞一齊唱)(瑞回過頭 , 發現手持朱古力的麥…唱完後)
麥 : 我頭先聽到哂喇…um…I love u! It’s true 你睇! 連我自己都送埋比你喇(遞上麥提沙朱古力), 食用限期係10000年…(瑞接過, 伏在麥身上)
瑞: 咁咪即係 ‘愛我10000年’…你傻架你…
(其他人打冷震, 感肉麻)(一路拍手掌, 一路全世界走出去謝幕)
<全劇完>
<朱古力戀事多>Part3
<第三幕> 地點 : Cover playground 的 Lockers 附近 (powerpoint background)
(麥提沙和friend 在prepare 好樂器 、禮物、在等瑞士蓮出現)(遠遠見到瑞 , 麥就擺出有型pose )friend 1 : 鎮定呀 ! 我已經買通瑞士蓮D friend , 叫佢地醒水散開 ga la 。
麥 : 唔。(點頭, 露激賞之色)
麥 : 瑞士蓮 , hi ! 乜咁岩呀! (「撻」手指) Music !
(音樂起 , 麥大唱情歌 。 )(瑞反野,流口水) (瑞的friend X 3 打個眼色 , 退到一旁)(唱完後 , 麥走近瑞 , 送上禮物、花)
麥 : 瑞士蓮 , I love u ! Please accept these!
(瑞士蓮感動之餘 , 又怕羞 , 不知如何是好 )
friends X 6 : 受! ………. 咀佢…….. (起哄)
瑞: o依…(瑞不好意思 , 掩臉走開)
<第三幕完>
<朱古力戀事多>Part2
<第二幕>地點:麥家
旁白:麥提沙番左屋企後 , 仍對瑞士蓮念念不忘……….
(麥提沙在想瑞 , 表情發發地姣 , 手持畫像 , 更作狀咀落去)(他的friend 仔 X 3 在旁偷偷走近…….. friend 1 搶了他的畫)
friend 1 : 嘩! 有人發姣呀!
(麥趕緊將畫搶回……… 但失敗)
friend 2 : 根據佢既表現 , 直頭發情啦 !
friend 3 : 唉! 「問世間 , 情為何物?」真係 「誰令我今晚舉止失常」(用羅文腔出這句)la …….
麥:你地係咪笑我啦 , 我係認真架 , 你地有冇方法可以幫我呀?
Friend 1 : 咁你都要比我知你對象係邊個先得架!
Friend2 : 係 lor , 咁我地先可以幫你落藥 ga ma ! 呀 ! 唔係……係「對症下藥」至岩!
Friend 3 : 唔….. 等我地過下目。
(把畫攤開 , 3 個 friends 睇 )
Friend 1 : 咦 , 呢個咪瑞士蓮 ?
Friend 2 : 佢係 Choir 主音黎 ga woo 。
Friend 3 : 重好靚女tim !
麥 : 你地估下佢鐘意咩?
Friend 3 : 追呢d 咁有藝術氣質既女仔 , 就最好吟詩 ga 喇
麥: 吓?! 「淫D」 ? Really?
friend 3 : 唔係呀 , 你D 中文……..真係唔掂。 係吟詩ar ! 睇野啦 : 「如果你係咖啡 , 我係奶茶 , 我會溝你 。 如果你係貓 , 我係狗 , 我會追你。如果你係蘋果 , 我係蘋果樹 , 我會掛住你。」 咁殺食既情詩 , 係女仔都冧啦!
Friend 1 : 你死開啦 , 以麥提沙既「高程度中文」(做 “ “ 手勢) 你認為佢嗡得哂咩?何況瑞士蓮係Choir黎 ga ma ! 梗係鐘意唱歌啦! 唱情歌就最岩啦!
Friend 2 : 有道理! 我重可以幫你彈埋結他 tim ar !
麥 : 唔….. OK …….. No problem, I will do it!
friend 2 : 為表誠意 , 唱首中文歌好播 ! 麥 : 吓? 我唔得ga ! It ‘s too difficult!friend 3 : 你係咪想奪取芳心丫 ?
麥 : of course !
friend X 3 : 咁就玩大佢, 一於唱普通話啦!!
(拿出情歌集)friend 1 : 岩哂! 我有隻「Love 情歌集」呀, 就呢首啦!
麥:普通話, 我好怕!
(反下miss朱)
Friend *3 : 唔使「劣」播 , 我地會幫你進行特訓 ga ! 操到你變中文情歌王子都得呀!
Friend X 3 :唔! 「奪取芳心」…….(不斷嗌……) 跟住我地叫啦!
麥+friend : 「奪取芳心」………X 5 ( 一邊走回後台)
<第二幕完>
<朱古力戀事多>Part1
I' would like to share this with you!(未經刪改版, u know... miss 嫌太粗鄙...so...cut, cut,cut)
The script:
<第一幕>地點:圖書館
旁白:在學校圖書館內
(fans 們坐在台左偷看在台中的麥看書ing)
Fan 1: e… 你地睇, 靚仔呀!
Fan 2: 係woo !係麥提沙呀!佢係美國返來架!
Fan 3 : 好型仔呀,真係想咬呀!
Fan 4 : 我就想……. 啜啦。
Fan 5: 痴線! Fans 們: 哈哈......
圖書館館理員:喂!同學,唔該靜D 啦!(勁兇猛 , fans 們唯有閃)
Fans1: 噓! 乜咁兇猛 ga?
Fans2:可能更年期啦佢?(一路行一路鬧)
旁白: 女同學的吵鬧聲傳入麥提沙耳中 , 他感到不耐煩 , 於是準備捧書走人
(麥走果時撞到瑞士蓮 , D書跌鬼哂 , 就執啦......)
麥:哎…… 好sorry 呀! Are you ok??
(他們一齊執書 , 執到最後一本時兩個同時伸手向書 , 觸碰雙手 , 二人感到不好意思….)
* Powerpoint 的效果(二人對望 , 觸電的感覺產生 , 良久才能回過神來)
麥:唔… 好意…….意思呀......
瑞:呀...唔緊要...我走先啦,。再見! 麥:bye bye !
<第一幕完>
我想成為一個怎樣的人?
我想到自己平時的行為, 不得不慨嘆一聲......
我欠交功課、幼稚貪玩、說話尖銳傷人、故作神祕,
其實是個怕和人接觸, 怕被傷害的懦弱小人。
優點呢?
um...我, 樂於助人、細心、幾聰明...
不過, 發現大部份都是「特定性」的, 即是只係對某些人、出現在某時段的。
有時甚至會變得自私、殘忍。(I' m not joking, 我好臭檔下...)
所以, 我想像出一個具體形象, 給自己一個role model。
1. 忠於自已, 有獨立思考能力。
2. 有勇氣, 勇於承擔。
3. 顧及別人的感受。
4. 欣賞自己。(oh! very easy!!hahaha...)
5. of course, be a happy person!開心d啦! 放開d!
我想, 其實每人都能改變世界, right?
Do your best!
經典回顧
2月24日
社際歌劇《朱古力戀事多》:
我好滿意, 我為社員的努力、嘗試而驕傲!!你們做得真好!!
不論是麥提沙、瑞士蓮, 還是librian、朋友1-6、Fans1-5...多謝哂!
3月頭
學界d2:
d人好勁... 無人有牌, 不過跌番落d3都好...有機!
3月19日
8姨出嫁:
結婚係一件麻煩事... 只記得些不愉快片段tim...
3月24日
舊患復發:
韌帶連筋發炎...項!唔通我真係要成世都睇跌打, o也藥?! 依家重要雙腳都扭親, 有排都唔駛旨意考黑帶...勁黑!(唔通連個天都唔鐘意我?希望真係在明天?)
4月中
社羽:
欠運氣而已, 我覺得幾好ga。only...
RESTART
哈哈哈......長達三個月的空城計,
有無「秘密警察」仍窮追不捨呢??
說說而己, 無寫幾個月日記,
應該有人已放棄看我日記的念頭了吧?
我很不想遭人找到痛腳, 因為我雙腳已經夠痛......(雙腳也扭傷了!哈哩路也!)
所以歇一歇, 我又不懂得設密碼...唯有用較蠢的低招。
點呀? 有冇人中招呀?
恭喜哂!
