多謝！
今日是我的十八歲生日。
心中漲滿了一份感激和感動。
好多謝我老豆阿媽、我的朋友。
知道嗎？你們差不多是我的一切。
老爹老媽。
我唯一的依靠
恐懼痛哭，失意憂慮時
我最大的安慰。
我難以忘記
你們温暖的大手
撫摸我頭頂的温熱感覺。
至今，你們有時仍用從前呼喊嬰孩的
温柔聲音來呼喚我的小名，彷彿
我還一個小孩。
我的朋友。
我無法想像，
我們會變得生疏。
你們毎人在我心中也佔著很重的位置。
不論是和我毎天相見的
還是不常見的。
我也想你們知道
我時常惦念著你們
P.S今日pui2打了個賀電來給我，我在不知所措底下，
很有些on居無禮，真不好意!
還有多謝阿哥送我益力多一大樽。
非常好的英文網
http://www.english4today.com/english_grammar.cfm去'Table of Contents'度，（左面條bar第一個）
有哂English grammar notes!!
非常值得去看看！
06社際長跑
今日是社長的大日子。
奇怪的是，比賽前我沒有一絲緊張。
因為知道自己的狀態未到高峰，心理上比較放鬆；
也可能是人大了，比較看得開，
所以都不抱太大的期望。
跑的過程當然是有辛苦，但我全也沒有停下來。
I 'm proud of myself!
最後，我得了第三。
銀者第一，morning第二。
我很開心可以和我的好好好好好...朋友一齊得奬！:)
我們更拉了miss過來拍照呢！
雷婷你要加油啊！要堅強些！
不要被一次的失敗打倒。
勇
明天社際長跑了。
練得很少，肥了很多，又很累...
唯有靠心口一個勇字。
勇敢赴戰，相信自己！
在角力的兩個世界
何其芳：「在我參加革命以前，有很長一個時期，我的生活裏存在著兩個世界。一個是出現在文學書籍裏和我的幻想裏的世界。那個世界是閃耀著光亮的。另外一個是環繞在我周圍的現實世界。這個世界卻是灰色的，卻是缺乏同情、理想，而且到處伸張著墮落的道路的。我總是依戀和留連於前一個世界而忽視和逃避後一個世界。」
小Yen仔生日快樂
今日是Yen的十八生辰，
Happy Birthday!!
下面有許多周星星對白用來賀壽呢！包保笑破肚皮...
老實說，我很高興可以和小Yen相識。
雖然真正和她較熟的時間是在這一年多之間，
但我已當她是我的好友。
我發覺有時候，
她的話未完，我己知她想講甚麼；
她那些別有深意的話，我也可會心明瞭。
她是一個踏實的人
簡單得來又有些複雜
冷靜又感性
有原則又心軟
富同情心又堅決
她很清楚自己的需要
愛恨分明...
十八
是一個問號：
之後，會是如何？
是一個高掛的少年夢。
對自己，對世界，
開始有一份責任，一份承擔。
是一簇火花。
熱情奔放，創意無限:p
（對白漏了這句...)
Have a nice day!
周星星classic-5
喜劇之王柳飄飄︰「你條死茄哩啡！」 尹天仇︰「查實，我係一個演員黎o既。」 (周星馳及張柏芝)
少林足球太極功夫整饅頭呢 驚天動地饅頭睇落又香又甜 好鬼想食但見亞妹雙臂好力 令到阿哥五體投地 （周星星見到趙薇用太極功夫整饅頭讚嘆之歌）
飛：少林功夫醒 星：好好野 飛：少林功夫勁 星：係好哽 飛：我係鐵頭功 星：無敵鐵頭功 飛：你係金剛腿 星：我係金剛腿 星：少林功夫好野 飛：真好野 星：少林功夫好野 飛：真好野 星：少林功夫好哽 飛：冇得頂 星：我係金剛腿 飛：金剛腿 星：佢係鐵頭功 飛：WOW…wow…wow… （周星星與黃一飛又唱又跳少林歌舞show）
你快Ｄ返火星啦！地球好危險架！（周星星對剃光頭的趙薇講）
周星classic-4
國產凌凌漆拿！好似呢個modelF40咁，表面上，佢係一個大哥電話，實際上，佢係一個鬚刨，方便我出席一D宴會埸合，能夠神不知鬼不覺咁剃鬚…呢個鬚刨model911，表面上，係一個鬚刨，實際上，佢係一個風筒…(再指住第二個風筒)
而呢個風筒只係表面的掩飾，事實上，佢亦係 一個鬚刨，問你死未﹖(凌凌柒)
古時有關雲長全神灌注捉象棋括骨療毒，今日有我凌凌漆聚精會神睇咸帶鋤骨囉彈頭。(凌凌柒，轉移視線分心大法)
呢支唔係普通既電筒，呢支係唔使電芯既太陽能電筒！o你有光源既時候佢會著，冇燈佢就絕對唔會著。如果想佢著，只要囉個電筒出黎照住佢…咁佢就會著啦！(文西)
我費一生既精力，集合十種殺人武器於一身既︰超級武器霸王！！產品編號︰「囉你命３０００」，經已研究成功左啦！西瓜刀、單車鏈、火藥、硫酸、毒藥、手槍、手榴彈、三角錘，每樣都係獨當一面既，家下集合埋一齊，問你死未？(文西，超級武器霸王就係將以上武器用禾旱草捆在一起)
唉~~~你咁樣做係無用架，好似你呢D咁出色既男人，無論呢埋享邊，都好似漆黑之中既螢火蟲一樣，咁鮮明，咁出眾。你憂鬱o既眼睛，唏噓o既鬚根，神乎奇技o既刀法，重有o個杯 Dry Matinee……已經將你深深咁出賣左。雖然你係咁出色，但係行有行規，琴晚o個筆過夜數你都未找，叫雞唔洗俾錢呀﹖(好靚表姐同凌凌漆講)
凌凌漆：咁多年啦，我以為國家已經將我忘記左。 司令：點會呢，就算係一條底褲一張廁紙都有佢既作用。 凌凌漆：呢個比喻真係一流。
達文西：力拔山兮氣蓋世……凌凌漆：時不力兮騅不逝。達文西：阿七。凌凌漆：文西。達文西：我希望你叫我全名——達文西。
大內密探凌凌發 大夫~~~大夫~~~我係唔係有左唧﹖(劉以達)
周星星classic-3
賭聖三叔~~~~~~~~ (周星馳)
晒冷！(多次，周星馳)
你吹得我漲咩？(三叔)
上海灘賭聖我係賭~~~~~~~~(360度surround sound)~~~聖！(周星馳，賭字拉足三十秒)
賭俠 各位觀眾，五條煙(A)！(周星馳)
你睇我唔到！你睇我唔到！(周星馳)
昨日，我菲律賓工人行個街市，聽到有個賣魚佬講話有條友仔叫做賭神，係你。哈哈……我當堂嚇左一跳，然後得啖笑。呢個世界，居然有人自稱為賭神，咁即係分明當我流唧！拿！我就叫賭聖，你賭啤都要帶隱形液晶體眼鏡啦，我睬你都o徒氣，直情睇穿牌o既，呢d就叫特異功能。呢度有隻A士，只要我輕輕一"chu"，就即刻變為一隻皺左o既A士，因為我未發功丫嘛。我發左功呀，變副麻雀出呢都得。你話我果然無厘頭呀，我夠話你訓醒戇九九咯。望咩呀﹖條氣唔順呀﹖發個輪黎大家研究下。當然，你要補番一百幾十萬過我就唔在講架啦。啤咩呀﹖學野唔使錢呀﹖抄底我聯絡電話係香港︰3345678，我再重覆一次係香港︰3345678。你唔搵我我冇所謂，因為呢d係你o既損失。十點後鐘唔好打黎，因為我訓左！(周星馳寄比劉德華餅錄影帶)
逝去感情如何留我住，半點痴情遺留恕不易，更多悽悽慘慘的遭遇，我不知道~~~hum家鏟！(周星馳充滿感情地唱出)
錯！唔係天眼通，係天~~眼通(高音+走音) (周星馳)
周星星classic對白-2
食神鹼水麵冇過冷河，所以成碗湯有鹼水味。魚蛋亦都冇魚味，但係你為左掩飾，專登加D咖喱汁將佢做成咖哩魚蛋，但係咁做太天真，因為你煮o既時間唔夠，咖喱味根本只係o係表面，而冇入到裡面，掂到湯之後重要沖走埋。好好地一粒咖喱魚蛋，俾你整到冇魚味亦都冇咖喱味，失敗！蘿蔔冇揀過啦，太多渣，失敗！D豬皮又煮得太淋，冇咬口，失敗！D豬紅鬆泡泡，一夾就散，失敗中o既失敗！最慘係D大腸，粒面都重未通乾淨，重有舊屎，你有冇攪錯呀﹖(同一番說話o係食神出現過三次，史提芬周and唐牛)
佢高傲，但係宅心人厚﹔佢低調，但係受萬人景仰﹔佢可以將神賜俾人類o既火運用得出神入化，做出堪稱火之藝術o既菜式！究竟佢係神o既化身，定抑或魔鬼o既使者﹖冇人知，但係有一樣o野可以肯定o既，每個人都會俾一個稱號佢 --- 食神！(歐海棠介紹食神)
情與義，值千金，刀山去地獄去有何憾。為知心犧牲有何憾，為嬌娃甘心剖寸心 (大聲叫︰「好兄弟！」同時用隻血淋淋既手大力拍落周星馳個膀頭度) 血淚為情流，一死豈有恨，有誰人敢過問。(莫文蔚雙手血淋淋豪情唱出)
爭咩丫，撈埋黎做個瀨尿牛丸丫笨！(八兩金，呢句本來係周星馳講既，但係八兩金講得有性格D)
你呀，你唔係多舊魚呀，你呀，你多左好多舊魚呀，你呀。(某廚師)
咦﹖呀Richard個樣好Richard喎！(周星馳)
你估我唔到架啦！(周星馳)
少林寺十八銅人！(少林寺十八銅人每逢擺陣時大叫。注意個陣係只有頭三個人耍功夫，後面d有d做金雞獨立，有d拎摺凳猛車周星馳)
從來冇試過咁清新脫俗o既感覺，牛肉o既鮮、瀨尿蝦o既甜，溝埋一齊o既味道竟然比老鼠斑有過之而無不及，簡直比我o既初戀更加詩情畫意，所謂「舉頭望明月，低頭思故鄉」，好詩！好詩！(李兆基，食第一啖瀨尿牛丸時墮入清新脫俗地享沙灘起舞時的幻想中時講)
周星星classic對白-1
西遊記大結局 之仙履奇緣曾經有一份至真o既愛情擺o係我面前，但係我冇去珍惜，到冇左o既時候先至後悔莫及，塵世間最痛苦莫過於此。如果個天可以俾機會我番轉頭o既話，我會同個女仔講我愛佢，如果係都要o係呢份愛加上一個期限，我希望係，一萬年。(至尊寶情深演繹，全片講過兩次。一次係呃紫霞、第二次係自願帶上金剛箍時最後說話)
做咩呀﹖你愛呀﹖你愛要出聲先得架，你愛我比你，你唔愛我當然唔會比你啦！無理由你話愛我唔比你，你唔愛我比你架嘛！大家講道理丫嘛！拿，我數三聲，你話愛唔愛喇喎。(唐三藏)
人同妖都有阿媽生，不過人係人那媽，妖係妖那媽。(唐三藏)
圓滿的中秋
現在我在家中，沒打算外出。
待會兒會看看書，然後就去睡。
很單調的中秋，是吧？
不過，我自覺今天過得很圓滿。
首先，有剛才老死macy打給我的一通電話。
雖然我們只談了一會，但我己開心得不能形容給你知我如何開心...
而且，今日7A的十個女孩子和Miss Choy一起去吃中秋圑圓飯，也很令人哈皮。
過程用進餐比較合適，因為大家大部份時間都是吃，沒甚完整的交流。
（同埋miss choy不吃中飯的習慣真的很要不得...）
不過，今日上地理時，我不很明白為甚麼我的想法會被Mrs leung取笑...
民生比民主更重要
今天辯論比賽，辯題是民生比民主更重要。
康哥小Yen仔我為正方，funfun梓同皚ling為反方。
本來我只是負責找資料的，莫漢斌才是二副，但因為他抱恙，先至由我頂上。
比賽前幾天，我們都很認真的搜集資料和討論。
昨晚我們更談到十一時多，令致今日上UE堂時不停打瞌睡。
上堂比賽時，我們都緊張得要命。
小Yen和我也是發著抖的反駁和讀稿，不過事後聽KT說，原來梓同比我們抖得還要厲害...
最終，我們取得了勝利。
很高興可以戰勝同樣表現出色的反方同學：擁有凌厲眼神funfun、近乎完美的梓同，還有思路超級令人費解的oiling！
