唔識笑
今日番學討論早會做什麼好。
抽籤後，我和KT、周燕珊、蔡自強、張偉斌、茂佳一組。
討論時，他們勁笑...
我唔覺得有什麼好笑，
唔識笑。
太嚴肅？我自己也不知道。
我一向也是這樣。
以前有個老師講笑話，全班都笑...
得我一個唔笑。
佢懷疑我有問題...
不過個主任話我冇事，
只不過我覺得一點也不好笑...
我想過這件事：覺得不好笑時，應該如何？
扮下笑都無妨，不過我扮得不太好。
唔笑，又好似好outstanding同無禮貌，不過真點。
大家不用怕，
在我真正覺得好笑，想笑的時候，
我就會笑笑笑...
像現在，我覺得自己想得這麼認真，幹什麼？
有點無聊...
有點好笑...
其實個早會，我想到幾條橋...好有娛樂性下。
不過，唔知佢地受唔受，
因為我覺得現在他們覺得幾好笑的，很爛。
為什麼一兩分鐘就不可以認真一點？
我想到這裏，又笑不出了。
中環灣仔遊
今日，阿齊要帶中四的小朋友去港島地理考察。
天公不造美，又曬又下雨。
由早上9：00行到下午3：30，累得我這身久未運動的老骨頭要死。
之後和funfun地在置地廣場food court坐了很久很久才捨得離開，
thenMTR基地去。
實在累得很，碰到床就睡著了。
人碌合一
今天，買了一對滾軸溜冰鞋。
哈哈......
很好玩呢！
而且價錢不很貴，只花了230元。
在下神碌俠，是也！
無題
望天望地 打掛
孩童的鉛筆 將該遇上的
連下無色無形的絲
是你是我是他的命
走勢 曲折 拐百個圈
還未到 估 不中
深藍 淺綠
潛泳 載浮載沉
吹肥皂泡 出了珍珠
以為 金璨璨的 很可靠
咬下去 鏗鏘
堅實的很 堅實的很
咕嚕 咕嚕
須臾 泡沬幻影 爆破
夢醒 又墜輪迴
天地悠悠
春夏秋冬 生了根的循環
環迴立體重重覆覆
金木水火土 土火水木金...
飄蕩在變幻的永恆中
（成首野只係寫一個字－「變」）
迷
斑爛彩蛛
吐絲 造網
色即是凶
凶即是色!
毒物 害人
禁！一網打
不盡 未絶 不絶
寄生物 竟有根
危險 快逃 ！
綁緊不放的荊棘
掠奪 一切
吃人的賊！
炮烙！凌遲！
剪不斷 春又綠...
怎麼你總可留下尾巴？
謎 迷路了...
家呢？
光！熱！答案？
無害 無辜 的笑容
和煦 親切 暖... 偽 ！
甘心 受騙...
扭曲的 傀儡
笨蛋 笨蛋
笑。停不了 嘻嘻
嘻嘻 不睡 不食。
慣了 慣了
木木 麻麻 ...
近點 多點 是答案麼？
呆在 蛛網中心點問
羔羊 再也
逃不掉 回不了
（即係唔好o也毒品咁上下意思果渣...）
X DRUGS
今日，我同我阿媽出了旺角聽一個名為「如何輔助子女遠離毒品」的講座。
阿媽佢繼續係咁積極，熱烈回應。
聽聽下，坐隔籬個阿太忽然哭起來。
愈哭愈勁，感觸非常。
我眼都突，唯有俾張天素佢抺一抺d接近墮地的鼻涕...
喜劇之王尹天仇？
之後，去了行花園街，飲個茶。
回家去。
一路行一路覺得頭暈暈，
唔...病。
晚上，睇港台的禁毒檔案，
直頭wa一聲!!!
（最後一句係同<情書>差不多，你好嗎？我很好...真係經典！)
P.S 濫藥，真係制唔過！
Say No to drugs!!
CATS ME IF YOU CAN
哈！很可愛的BLOG。
有好多貓貓的圖：
http://cathcat.blogspot.com/鬥雞眼的貓貓
8.24
21世紀網絡身世大迷圑world "wild" web?
哈哈......
剛剛跑完步仔，心情勁high。
跟著，上網仔...
見到阿映彤個xanga有我條o靚（link）仔，
自我感覺良好。
其實，我對於以前的事...很空白
曾經懷疑自己是否失了憶？
後來，發現原來係以前的我，
同舊飯冇乜分別。
加上，中學的生活對人（或對我）影響太大，
差不多將從前的記憶掩蓋過去了。
唔...經我努力思索後，
記番起一些蛛絲馬跡...
我小學果時，同幾個人好fd底：
陳家曉陳桂怡陳綺敏張曼盈何鈺祺戴文珊同學仔。
我的成績不太好，
其他人的成績好我好多架。
張麗瑩，阿映彤，讀書都好勁下。
我冇補習，冇學野...
（空白的生活）
中學係咁ge：
早上...跑，下午...跑(田徑加越野）
其他就係...上堂
同學大部分都好乖巧下，
朝七晚六的單調生活，令我冇乜改變。
有時都係一舊飯...
（我亦慶幸是這樣...)
多謝那些舊同學，
令我想起了一些...幾重要的東西
那些回憶，是寳寳寳的。
飯聚night
晚上，去了九龍灣Telford的Pizza Hut同肥姐、井子、鈴鈴、信恩吃晚飯。
因為下雨，所以我行去樂富乘地鐵。
點知不小心搭了油麻地方向...搞到遲了五分鐘。Sorry!
吃的過程是愉快的，大家講了很多自己的近況同八掛野，笑！
肥姐著裙仔，很好看呢！
鈴鈴成日屈人－＞傻笑
信恩總對兩張優恵券念念不忘。
井子佢十分投入，有型到有兩個lovers...
席間，發掘出很多令人驚訝的祕密，
麥家進、西龍果渣都拍拖仔...
大家的圈子也有暗湧...
有人一齊，有人散了...
有人變質了，原因是什麼？
接著，一行人去了淘大影貼紙相。
不錯不錯...
then mtr home。
Happy night!
:) :) :) :) :)
五個人五個開心。
P.S 唔知點解，數目總那麼亂，令人困惑...
慶幸
唔...我發現了一件事。
就是能在TKOGSS讀書，是我的幸運，
亦是一個莫大的祝福。
在將官，我得到很多很多，我找到自己的強項、興趣和一群好友。
昨日，我去偷睇故人之生活，
發現他們好似和我記憶中的形象，很不同。
有些人本來很斯文，現在變得很狂野；
有些人本來很叻讀書，現在就是問題青年。
我不能具體、確實的告訴你將官這樣那樣咁咁咁...
但，它確確切切的令我成長了。
讀完這半年就F7畢業，到時我一定會很不捨得。
晨早10：00有2個阿sir來家訪，講了很多野，正口水佬...
通知我地阿哥下月頭番。
重叫我地要多點和他們聯絡，好報告Benz的情況，
即係想我因為衰二五而屎...
他回家單野，其實，我都好開心ge。
（不過，要好好準備一下，尤其係時間管理果渣）
瘋了...傻了
今日，我發現abc家齊仔有d唔妥...
好似傻左咁不斷在search engine度search以前的同學。
中學，小學...連幼稚園都唔放過。
唔...search到一些日記仔，窺探了別人私生活好一會兒。
受害人不計其數，警方正在追輯疑兇。
在急遽的氣流中
渴望 導航
近近 遠遠
尋找記憶的 吉光片羽
雲中
藏了 某一片零碎
殘留的電波 再次起伏
展開 深遽龐大的 搜尋
空白這黑客卻
不客氣的 入侵
數據破落 照片發黃
機主：茫然 若失
認不得 記不起
我們...是好友嗎？
（咩野意思呀？懶係文藝...頂你唔順。）
P.S明日和fd底們有得聚埋一舊，我很高興。
（多謝譚小姐本人和她的秘書call人，辛苦哂！Thx!）
咕...咕...
今日11：00落馬坑公園跑步仔。
跑了30分鐘，跑得很慢很慢...
因為腳傷才剛復完，千萬要小心，不可再受傷。
天氣不太好，很焗冇風，太陽又猛，都幾辛苦。
之後，我去了樓下的小公園坐。
那裏很舒服，有風，又有蓋頂，而且一個人都冇。
我坐在一張石櫈上乘涼，
聽著鴿子咕咕的叫聲，閑得差點睡著。
在那群正在覓食的鴿子之中，有一隻特別大膽、好奇。
牠觀察了一動不動的我一會後，
竟然夠膽在我面前走了（可能牠知我不會飛吧？）一段五、六米的馬拉松。
牠走路時，頭和頸一聳一聳的，十分逗趣。
還一邊走一邊用精靈的小眼偷望我，
見到我也在看牠時，牠也就不動一會，（裝木頭嗎？）
而我也不敢亂動，怕會嚇壞了牠。
待牠離開了我視線範圍以外，這才走開。
之後，我去了遊樂塲打鞦韆，
金屬做的鞦韆卻發出「之呀...之呀...」的聲音，投訴我過重。
（懶惰的鞦韆－惰鞦...hahaha...)
人家逐客令也下了，我唯有離開吧...
接著齊邦主便歸家去也。
好一個悠閑、愉快的上午！
A齊B齊
人格分裂...兩個我出現了。
A齊佢係咁叫我做家課，
B齊佢就不停拖我去玩。
A齊你，太正氣，太嚴肅啦...
人，係要放鬆下ga。
B齊，好兄弟！ 果然係friend底！
不過...我就來俾你害屎...
-------------------------------
咁煩惱啊？唔好so佢地囉！過來我呢邊啦...
咦？你係邊位呀？
我？我咪C齊囉...
吓？！
Silly games
我有一些十分傻onon的遊戲。
一、說話時，將「人」地代表「我」，同埋將每個名詞後面都加上「仔」字。
e.g 「我贏硬呢個比賽！」要變成「人地贏硬呢個比賽仔！」
二、每隻手指都要畫四個十字，畫完我先會罷手...
三、踩哂商場入面的銀色東西。
四、在摩肩接踵的街上行走時，避開行人，排除所有觸碰。
五、將筆豎起，迅速將之拿起成正在書寫狀。
um...呢d遊戲太odd了...
P.S 昨日買的六合彩，只中了二個numbers：10＋27
剛巧是我的生日日期！
精警對白
「你好嗎？我很好。你好嗎？我很好。你好嗎？我很好......」－《情書》
女主角放開懷抱，在男友身亡的雪山大喊。
「我只會說這一次，我之前從沒說過，因為這樣肯定的事一生只有一次。」－《麥迪遜之橋》
Robert同Francesca離別之前的對白。
"I wish I know how to quit you."－"Brokeback mountain"
「曾經有一段有一斷至真的愛情擺响我面前，但係我冇珍惜，等我失去的時候，先至後悔莫及，塵世間最痛苦莫過於此，如果個天可以俾個機會我番轉頭的話，我會同個女仔講我愛佢。如果係都要响呢份愛加上一個期限，我希望係...一萬年。」《西遊記大結局之仙履奇緣》
um...一時間係想到咁多。
you know...除了policeman同室內設計外，編劇，作家也是我的dream job。
深‧淺‧遠‧近
我又有個想法（I am really a big thinker...*3*)：
所謂的深淺遠近是指人的關係和距離。
不同的組合，會帶給你不同的感受。
關係深厚，感情好的，而距離近，當然是很完美。
同樣正爆的是，關係淺薄而隔得遠，巴不得！
痛苦的有關係親蜜，但又分隔千里（楊過小龍女？）。
難啃的還有你不like他的，而偏偏接近你。
我大佬就快番屋企，可能下個月都未定...
矛盾油然而生。
原本的深‧遠組合，會變成淺‧近的情況。
艱難是必然的了，但究竟該如何自處？
隱憂是下年的A-level，
有什麼影響？
天知道...
P.S 今日六合彩六千幾萬＄我都搭左阿媽買：8＋10＋13＋27＋33＋47
拜托！一定要中啊！！！中左就神仙啦！
冇性格?
哈！我發現自己真係冇性格。
我不明白為什麼人要知道自己最愛的顏色，最愛的食物，愛那種類男女人...
我就冇什特別的、指定的喜好。
只要襯，什麼色也冇所謂；
只要煮得好食，什麼我都吃；
只要我喜歡，什麼人都冇所謂。
冇性格？um...yeah！
以往的我太感性。好似Sense and Sensibility 的瑪麗安一樣。
我會好照顧別人的感受，之後，又會希望別人一般對我（一廂情願果渣）。
又一定要別人的觀點和自己一樣（勁固執自我）。
不過現在我知有時不可以這樣。
要睇開d先得。
不懂人相處時，
我會石頭...木頭...呆若雞...緊閉嘴部...too bad...
um...要改！
Cockroach Hunter
我晨早去廚房睇下尋晚裝的來來曱由屋。
哈！裏面有一隻超大碼的蟑螂!
我揾野撩下佢，原來未屎ga...
咁我就冇佢乎，唯有餓屎佢。
Stephen King《桃樂絲的秘密》福樓拜《包法利夫人》巴金《家》《春》《秋》...bookworm
ＧＨ接班人
今日，會考放榜。
我返學校揾綠社下任社長。
回到去，有好多人，好混亂…
不知那些人可以原校升到，
我行來行去都不知怎算。
（洛奇、佳、包包都返左去揾人。）
３小時之後，終於找到我的心水。
就係－－－雷婷！！！
你要加油啊！！！
電屎隔泥社…（kidding...)
雷婷萬鈞！
Sketch 2
Sketch 1
Hair cut
我想剪個髪。
剪得短些，才襯我的面型。
今日：
返學校補HIST，呢幾日都冇乜人同我講說話，我亦冇乜同人講說話。
其實，我冇野。
不過，冇人同我講野，我就不好意思撩人講野。
同埋，一個個chat的groups已自然形成，
oh on,真係要走過去？又好似好博friend咁...
唔係講笑, 我真係有d驚俾人排,
or人地以為我串果渣...
下面幅野, 係我今日ge心聲...
千祈唔好misunderstand在下,
我只不過係耐冇講野, 把口生銹...
Bad Hair Day
